महाराष्ट्राची हास्यजत्रा फेम अभिनेत्री शिवाली परब कायमच कोणत्या ना कोणत्या कारणामुळे चर्चेत असते. शिवाली परबने आपल्या कॉमेडीने चाहत्यांचे मने जिंकले आहेत. अभिनयासोबतच शिवालीच्या फॅशनचीही चाहत्यांमध्ये चर्चा असते. काही वेळापूर्वीच शिवालीने इन्स्टाग्रामवर नवीन फोटोज् शेअर केले आहेत. या नव्या फोटोंमुळे सध्या ती ट्रोल होत आहे.

कायमच शिवाली इन्स्टाग्रामवर वेगवेगळ्या अंदाजात फोटो शेअर करते. नुकतंच शेअर केलेल्या नव्या फोटोंमध्ये शिवालीने ब्लॅक कॉर्सेट टॉप आणि ग्रीन ट्राऊजर वेअर करत नवीन फोटोशूट केले आहे. ओपन हेयर्स, ग्लॉसी मेकअप आणि न्यूड लिपस्टिक असा लूक तिने केलेला आहे. "डोन्ट स्वाईप..." असं कॅप्शन देत शिवालीने हे फोटोशूट शेअर केलेले आहे. या नव्या फोटोशूटमुळे शिवाली प्रचंड ट्रोल होत आहे.

१६ हजारांहून अधिक युजर्सने शिवालीच्या फोटोंना लाईक केले असून अनेक युजर्सने कमेंट केलेल्या आहेत. शिवालीला नेटकऱ्यांनी "पैसे आले की अस करणे गरजेचं आहे का", "नको ग असा कपडा घालू कसा वाटता ते उगडा उगडा", "भविष्यातील मराठी इंडस्ट्री मधील टॉप ची एक्टरेस", "अति सुंदर आणि कडक शिवा" अशा कमेंट्स अनेक युजर्सने तिच्या फोटोंवर केलेल्या आहेत. त्यासोबतच "ब्युटिफुल", "मादक", " लूकिंग सुपर गॉर्जियस शिवा" अशा कमेंट्स करत अनेकांनी तिच्या लूकचे कौतुकही केले आहे.

शिवाली परबबद्दल सांगायचे तर, शिवालीने गेल्या काही दिवसांपूर्वी स्वकमाईवर घर घेतले आहे. तिच्या वाढदिवशी तिने त्या घरात प्रवेश केला आहे. शिवालीला सर्वाधिक प्रसिद्धी 'महाराष्ट्राची हास्यजत्रा' या कार्यक्रमातून मिळालेली आहे.