मुंबई : बॉलिवूड अभिनेत्री रवीना टंडनचे वडील रवी टंडनबद्दल मोठी बातमी समोर येत आहे. अभिनेत्रीच्या वडिलांचे मुंबईत निधन झाले आहे. रवीना टंडनने सोशल मीडियावर एक पोस्ट जारी करून या वृत्ताला दुजोरा दिला आहे. अभिनेत्रीने तिच्या वडिलांचे काही फोटो शेअर केले आणि कॅप्शनमध्ये लिहिले - 'तू नेहमी माझ्यासोबत चालशील, मी नेहमीच तुझीच असेन, मी कधीही सोडणार नाही. लव्ह यू बाबा. मिळालेल्या माहितीनुसार, रवी टंडन यांचे शुक्रवारी सकाळी निधन झाले. ते 86 वर्षांचे होते. (Ravi Tandon Passed Away)

रवी टंडन हे चित्रपटसृष्टीतील एक मोठा चेहरा होता. त्यांनी त्यांच्या कारकिर्दीत अनेक चित्रपट दिग्दर्शित केले. या चित्रपटांमध्ये 'खेल खेल में', 'अनहोनी', 'नजराना', 'मजबूर', 'खुद-दार' आणि 'जिंदगी' यांचा समावेश आहे. 17 फेब्रुवारी 1935 रोजी त्यांचा वाढदिवस होता. त्यांचा जन्म आग्रा येथे एका पंजाबी कुटुंबात झाला. रवीने वीणा टंडनशी लग्न केले. यानंतर त्यांच्या घरी राजीव आणि रवीना यांचा जन्म झाला होता.