टिव्ही वरील 'ठरलं तर मग' या मालिकेला प्रेक्षकांची चांगलीच पसंती आहे. या मालिकेतील कलाकारांनी प्रेक्षकांची मने जिंकली. वर्षभरापासून हि मालिका टिआरपीमध्ये अव्वल स्थानावर आहे. मालिकेतील अभिनेत्री जुई गडकरीला प्रेक्षकांची विशेष पसंती आहे. मालिकेत जुई सायलीच्या भूमिकेत आहे. सोशल मीडियावर जुई मोठ्या प्रमाणात सक्रिय असते. ती तिचे मत सोशल मीडियावर मांडत असते. नुकतीच जुईने एक फेसबुक पोस्ट केली आहे. जी सर्वांचेच लक्ष वेधून घेत आहे. जुईने सध्या पावसाळ्याचे दिवस सुरू आहेत. अपघाताचे प्रमाण वाढत असल्याने गाड्या जपून चालवण्याचे आवाहन केले आहे.

अभिनेत्री जुईने फेसबुक पोस्ट केली आहे. पोस्टमध्ये जुईने, 'अगदी काल परवा पर्यंत माझ्यावर दोन मोठे खड्डे होते ते बरच होतं ना... मला वर्षानु वर्षे त्यासाठी तुम्ही शिव्या द्यायचा... पण निदान त्या मुळे ट्रॅफिक होऊन तुमच्या वाहनांचा वेग तरी कमी व्हायचा... घरी ऊशीरा जात असाल पण सुखरूप पोहचत होता!

मी तरी किती काळ तुमची काळजी घ्यायची??? माझी वाट बघणार घरी कोणी नाही... पण तुमची वाट बघणारे आहेत... काळजी घ्या आणि आपली वाहने सावकाश चालवा... पावसाळा येतोय... पहिल्या पावसात गाड्या नक्कीच स्किड होतात... तर स्वता:ची आणि इतरांची पण काळजी घ्या.'- तुमचाच (लाडका) रस्ता'

पुढे तिने, 'गेले काही दिवस वेगवेगळ्या ठिकाणी झालेले अपघात बघुन डोकं सुन्नं झालय... त्यात आमच्या सेटवरचा एक असिस्टंट डायरेक्टर पण आहे... गेले ७-८ दिवस कोमात आहे... प्लिज गाड्या हळु चालवा.' असं म्हटंलय. जुईने पोस्टमध्ये तिच्या चाहत्यांना पावसाळ्याचे दिवस सुरू होत असून गाड्या जपून चालवण्याचे आवाहन केले आहे.

सोशल मीडियावर जुईच्या या पोस्टवर तिच्या चाहत्यांनी प्रतिक्रिया दिल्या आहेत. "खुप महत्वाची माहिती" तर आणखी एकाने, "लवकर तुमचा असिस्टंट बरा व्हावा, हीच देवाकडे प्रार्थना" अशा प्रतिक्रियां आहेत.