रात्रीस खेळ चाले, आभास, बिग बॉस मराठी यासांरख्या टिव्हीवरील कार्यक्रमातून घराघरातत लोकप्रिय झालेली अभिनेत्री अपूर्वा नेमळेकर कायमच चर्चेत असते. अपूर्वाला 'रात्रीस खेळ चाले' या मालिकेतून खरी ओळख मिळाली. या मालिकेतील तिची 'शेवंता' या भूमिकेला प्रेक्षकांनी पसंती दिली. आता सध्या अपूर्वा नेमळेकर सुट्टी एन्जॉय करत आहे. अपूर्वाने तिचे काही फोटो शेअर केले आहेत.

अपूर्वा नेमळेकर सोशल मीडियावर सक्रिय असलेली पाहायला मिळते. कधी फोटो तर कधी आगामी चित्रपटाची माहिती अपूर्वा तिच्या चाहत्यासोबत शेअर करते. सध्या अपूर्वा सिंगापूरमध्ये आहे. तिने इन्स्टाग्रामवर खास फोटो शेअर केले आहेत. आईसोबत अपूर्वाने खास हा सिंगापूर दौरा केला आहे. सोशल मीडियावर हटके अंदाजात अपूर्वाने तिचे आणि आईचे फोटो पोस्ट केले आहेत.

अपूर्वाने मुंबई ते सिंगापूर असा विमानाने प्रवास केला आहे. आईसोबतचा तिचा हा प्रेरणादायी प्रवास तिने शेअर केला आहे. अपूर्वाने शेअर केलेल्या फोटोमध्ये तिने कलरफुल फ्लोरल गाऊन परिधान केला आहे. सोबत हॅट घेतली आहे. अपूर्वाचा पिकनीक लूक लक्ष वेधतो आहे. अपूर्वा स्टारबक्स कॉफीचा पिताना दिसते आहे.

अपूर्वाने फोटो शेअर करत कॅप्शनमध्ये सांगितलं की, आईला मी खूप कंटाळा आलाय, कुठेतरी निघून जावंस वाटतंय असं म्हटलं होतं. पुढे आम्ही सिंगापूरला जायचं ठरवून झोपून गेलो होतो. सकाळी तिकीट बुक केले आणि निघालो असं म्हटलं आहे. अपूर्वाच्या या फोटोंवर तिच्या चाहत्यांकडून लाईक्स येत आहेत. अनेकांनी तिला लव्ह इमोजीसह आई आणि मुलींच्या नात्यावर सुंदर म्हटलं आहे. अनेकदा कलाकारांना त्यांच्या व्यग्र कामातून परिवाराला वेळ देता येत नाही. मात्र अपूर्वाने खास आईसोबतची तिची ट्रिप केली आहे.