मुंबई: अभिनेता आमिर खानची आई झीनत यांना आपल्या पंचगणी येथील घरी हृदयविकाराचा तीव्र झटका आला. मिळालेल्या माहितीनुसार, आमिर खान दिवाळीच्या वेळी आईसोबत त्यांच्या पंचगणी येथील घरी होता. जेव्हा त्याच्या आईला हृदयविकाराचा तीव्र झटका आला आहे. तेव्हा आमिरने तिला ताबडतोब मुंबईतील ब्रीच कँडी हॉस्पिटलमध्ये दाखल केले आहे.

एका वृत्तसंस्थेने दिलेल्या माहितीप्रमाणे, आमिरची आई आता ब्रीच कँडी हॉस्पिटलमध्ये उपचार घेत आहे. त्यांची प्रकृती सध्या स्थिर असून त्यांनी उपचारांना ही चांगला प्रतिसाद दिला आहे.अभिनेता किंवा त्याच्या कुटुंबाने अद्याप याबद्दल अधिकृत माहिती दिलेली नाही किंवा कोणत्याही प्रकारचा दुजोरा दिला नाही

आमिरने 13 जून रोजी आईचा वाढदिवस त्याच्या कुटुंबासह साजरा केला. यावेळी दिग्दर्शक-निर्माता किरण राव आणि त्यांचा मुलगा आझाद राव खान देखील पार्टीत दिसले.

करण जोहरच्या 'कॉफी विथ करण' या चॅट शोमध्ये त्याच्या उपस्थितीत, आमिरने सांगितले होते की त्याच्या कुटुंबासोबत पुरेसा वेळ न घालवण्याची त्याची सर्वात मोठी खंत आहे. त्याने नमूद केले होते की तो आता त्याच्या आई आणि मुलांसोबत वेळ घालवण्यासाठी जास्त मेहनत घेत आहे, त्याच्या आयुष्यात कुटुंब आणि नातेसंबंधांच्या महत्त्वावर जोर देतो.

Edit By: Chetan Bodke