Aai Kuthe Kay Karte Episode Update: स्टार प्रवाहवरील ‘आई कुठे काय करते’ ही मालिका सध्या कमालीची चर्चेत आहे. नेहमीच टीआरपीमध्ये अव्वल ठरणाऱ्या मालिकेत सध्या ईशाच्या साखरपुड्याची धूम सुरू आहे.

या साखरपुड्याच्या धुममध्ये अरुंधती आणि आशुतोष यांच्या नात्यातील गोडवा आणखीनच वाढत चाललाय. त्यांच्या नात्यातील प्रेम आणि जिव्हाळा पाहून प्रेक्षकांचे भरपूर मनोरंजन होत आहे. अशातच साखरपुड्याच्या तयारीसाठी अनिशची आई मुंबईला येणार आहे. त्यात यशाची देखील तब्येत ठीक नसल्याने घरातील सर्व चिंतेत आहेत.

कोणालाच त्यांच्या कामाच्या व्यापामुळे यशाकडे द्यायला वेळ नाही. त्यामुळे तो आपल्या भावना कोणाकडेच शेअर करत नाहीये. यश आपल्या आजारपणामुळे पुरता खचून गेला आहे. यशच्या मनात त्याच्या आयुष्यात सगळ उद्ध्वस्त झाल्याची भावना येत आहे. ईशाच्या मागण्यांमध्ये दिवसेंदिवस भर पडत आहे, यशला ईशाच्या साखरपुड्यात काहीही मदत करता येत नाही याची त्याला खंत वाटत आहे. (Latest Entertainment News)

ईशाने घरच्यांसमोर तिच्या साखरपुड्यात तिला काय हवंय याची लिस्ट वाढतच आहे. ईशाला आपल्या लाडक्या नवरोबाला हिऱ्यांची अंगठी द्यायची आहे, यासाठी ती रुसून बसली आहे. कधी आईसमोर तर कधी आपल्या आजीसमोर तिच्या बकेटलिस्टचा पाढा वाचत आहे.

गेल्या २ वर्षांपासून अनिरुद्धला नोकरी नसल्यामुळे लेकीचा साखरपुडा थाटामाटात करू शकणार नाही, हे तिला माहीत आहे. आता लाडक्या लेकीच्या आनंदापायी अनिरुद्ध तिला हवे तसे दागिने आणि कपडे घेऊन येणार आहे. मात्र त्यावरून अरुंधती आणि अनिरुद्ध यांच्यात वाद होणार आहे.

आजच्या भागात, संजना आणि अरुंधती या दोघीही साखरपुड्यासाठी एवढा खर्च का केला असं प्रश्न अनिरुद्धला विचारणार आहेत. त्यावर आपण स्वतः चैनीत राहायचं आणि मुलांना मन मारून जगायला सांगायचं हे मला पटत नाही असं अनिरुद्ध त्याच स्पष्ट आणि परखड मत सर्वांसमोर मांडणार आहे.

मात्र अरुंधती खर्चाचा विषय नसून गरजेचा आहे असं त्याला म्हणते. त्यावर ईशा आपल्या वडिलांनी जे काही पैसे कमवलेत ते आपल्या मुलांसाठीच कमवलेत असं म्हणते. मात्र यावर अरुंधती बापाने पैसे कमावले म्हणून ते मुलांनी उधळायचे असं होत नाही, असं म्हणत तिला सुनावणार आहे.