मंत्री गिरीश महाजन यांचा पुतण्या आहे, तूला पोलीस दलात नोकरी लावून देतो, असे आमिष दाखवून एका १९ वर्षांच्या मुलीची फसवणूक केल्याचा प्रकार समोर आला आहे. आरोपीने १९ वर्षीय मुलीला नोकरीचे आमिष दाखवत साडेचार लाख रूपये लुबाडले. याप्रकरणी सायखेडा पोलिसांत गुन्हा दाखल करण्यात आला. पोलिसांनी घटनेचे गांभीर्य लक्षात घेऊन वेगात तपास केला अन् आरोपीला बेड्या ठोकल्या. जामनेरमधील अभिषेक प्रभाकर पाटील असे अटक करण्यात आलेल्या आरोपीचे नाव आहे. पोलिसांकडून आरोपीची कसून चौकशी करण्यात येत आहे. त्याने आणखी कुणाला फसवले आहे का? तो एकटाच आहे की पूर्ण रॅकेट आहे? याचा शोध पोलिसांकडून घेतला जात आहे.

मंत्री गिरीश महाजन यांचा पुतण्या असून पोलीस दलात नोकरी लावून देण्याचे आमिष दाखवून 19 वर्षीय युवतीची फसवणूक करण्यात आली. आतापर्यंत साडे चार लाख रुपये त्या आरोपीने लाटले. याप्रकरणी सायखेडा पोलीस ठाण्यात गुन्हा दाखल करण्यात आला आहे. पोलिसांकडून आरोपीला अटक करण्यात आली असून तपास करण्यात येत आहे. ही घटना समोर आल्यानंतर जामनेरमध्ये एकच खळबळ उडाली आहे.

मंत्री गिरीश महाजन यांचा पुतण्या असून मुख्यमंत्री देवेंद्र फडणवीस, खासदार श्रीकांत शिंदे तसेच जळगावचे मंत्री गुलाबराव पाटील हे माझ्या खूप जवळचे आहेत. पोलीस दलात नोकरी लावून देण्याचं आमिष युवतीच्या आईला वारंवार दाखवत पैसे लाटले. नाशिकच्या निफाड तालुक्यातील सायखेडा पोलीस स्टेशन हद्दीतील औरंगपूर येथील स्वाती राजेंद्र चाबुकस्वार 19 वर्षीय युवतीची साडे चार लाख रुपयांची आर्थिक फसवणूक झाली. आपली फसवणूक झाल्याचे लक्षात येताच मुलीने पोलीस स्टेशन गाठले. याप्रकरणी अभिषेक प्रभाकर पाटील राहणार एकुलती, तालुका जामनेर जिल्हा जळगाव हल्ली मुक्काम द्वारका नाशिक याला पोलिसानी अटक केली आहे.