- अभिजीत साेनावणे / तबरेज शेख / अजय सोनवणे

नाशिक शहरातील सिडकाे परिसरातील त्रिमूर्ती चौकात आज (बुधवार) स्कूल बसचं चाक अंगावरून गेल्याने एका युवकाचा दुर्दैवी मृत्यू झाला. पाेलिसांकडून मिळालेल्या माहितीनूसार मयूर गुंजाळ असे मृत युवकाचे नाव आहे. पाेलिस घटनेचा अधिक तपास करीत आहेत.

सिडको परिसरात घडलेल्या या अपघातात स्कूल बसचे चाक मयूरच्या अंगावरुन गेले. त्यानंतर स्थानिकांनी मयूरला तातडीने रुग्णालयात नेले. तेथे डॉक्टरांनी मयूरला मृत घोषित केले. पाेलिसांकडून मिळालेल्या माहितीनूसार मयूर गुंजाळ हा युवक सिडकोतील महाराणा प्रताप चौकातील रहिवासी हाेत. या घटनेने परिसरात शाेककळा पसरली आहे.

माय - लेकाचा मृतदेह आढळला शेततळ्यात

आई व दोन वर्षीय लहान बालकाचा मृतदेह एका शेततळ्यात आढळल्याची धक्कादायक घटना नाशिकच्या निफाड तालुक्यातील सोनेवाडी येथे घडली. या घटनेत सुजाता भूषण निचीत ( वय 26) व गुरु भूषण निचीत (वय 2) असे मृत मायलेकांचे नाव आहे. दरम्यान मृतदेह शेततळ्याच्या बाहेर काढले असून घटनेचा अधिक तपास पोलिस करीत आहेत.

Edited By : Siddharth Latkar