- संदीप भाेसले

लातूर जिल्ह्यातील उदगीर शहरात मध्यरात्री झालेल्या चाेरीत चाेरट्यांनी सोन्या चांदीच्या दागिन्यासह 13 लाख 75 हजार रुपयांचा ऐवज लंपास केल्याची माहिती समाेर आली आहे. या घटनेचा व्हिडिओ सीसीटीव्हीत कैद झाला आहे. या घटनेचा तपास पोलिस करीत आहेत.

उदगीर शहरातील तुलसीधाम सोसायटी परिसरात मध्यरात्री तीन चोरट्यांनी घरफाेडी केली. हा प्रकार पहाटेच्या सुमारास घडला. सेवानिवृत्त शिक्षक रामेश्वर राचप्पा धाडे हे त्यांच्या मुलाला भेटण्यासाठी परगावी गेले होते. त्याचा फायदा घेत धाडेंच्या घरात चोरट्यांनी प्रवेश केला.

धाडेंच्या घरातून सोने-चांदीसह 13 लाख 75 हजार रुपयांचा ऐवज चाेरीस गेल्याची नाेंद पाेलिसांत झाली आहे. उदगीर ग्रामीण पोलिस ठाण्याचे पोलिस अधिकारी पुढील तपास करत आहेत.

Edited By : Siddharth Latkar