नोएडा येथून एक धक्कादायक बातमी समोर आली आहे. येथे दोन तरुणांनी एका व्यक्तीवर चाकूने हल्ला केलाय. नाराधमांनी यावर न थांबता त्या व्यक्तीला दुचाकीवरून फरपटत देखील नेलं. सदर व्यक्तीला जखमी अवस्थेत रुग्णालयात दाखल करण्यात आलं होतं. मात्र उपचार सुरू असताना त्याचा मृत्यू झाला.
घटनेबाबत मिळालेल्या अधिक माहितीनुसार, अनुज आणि नितिन असं या दोन्ही आरोपी तरुणांचं नाव आहे. तर मेहंदी हसन असं मृत तरुणाचं नाव आहे. मेहंदीसोबत या दोघांचं काही दिवसांपूर्वी जोरदार भांडण झालं होतं. आधीचा राग मनात धरून त्यांनी मेहंदीला एका ठिकाणी गाठलं. त्यांनी मेहंदीवर चाकूने वार केले. तसेच दुचाकीला त्याला बांधून बऱ्याच अंतरावर फरपटत नेलं.
पोलिसांना घटनेची महिती मिळताच त्यांनी घटनास्थळी धाव घेतली. मेहंदीवर उपचार सुरू असताना त्याच्या कुटुंबियांनी अनुज आणि नितिन या दोघांची नावे घेतली होती. पोलिसांनी या दोन्ही तरुणांचा शोध सुरू केला. तपासावेळी दोघेही पोलिसांना गुंगारा देत त्यांच्या हातून निसटत होते. अशात काल रात्री पोलिसांना या दोघांबाबत टीम मिळाली होती.
मिळालेल्या माहितीच्या आधारे पोलिसांनी सापळा रचला आणि दोघांच्याही मुसक्या आवळल्या. यावेळी पोलीस आणि या दोघांमध्ये चकमक झाली. पोलिसांनी सांगितले की, आरोपींना घेऊन जात असताना त्यांनी आमच्यावर हल्ला करण्यास सुरुवात केली. झालेल्या झटापटीत पोलिसांनी देखील फायरिंग केली. यावेळी दोन्ही आरोपींना गोळी लागली आणि ते जखमी झाले. या दोघांवर सध्या रुग्णालयात उपचार सुरू आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.