- बालाजी सुरवसे

धाराशिव जिल्ह्यात शेतीपंप, केबल, दुचाकी, दागदागिन्यांची चाेरी, घरफोड्या अशा घटनांमध्ये मोठी वाढ झाली आहे. त्यातच आता चोरट्यांनी आता थेट खासदार ओमराजे निंबाळकर यांच्या शेतातच डल्ला मारल्याचे समाेर आहे.

अशोक साठे यांनी दिलेल्या तक्रारीनूसार पाेलिसांनी अज्ञातांवर गुन्हा नाेंदविला आहे. साठे यांनी दिलेल्या फिर्यादीत ओमराजे निंबाळकर यांच्या शेतातील विद्युतपंपाचे 1200 रुपयांचे केबल चोरीस गेले आहे.

कोल्हेगाव शिवारातील शेतात ही चोरी झाली आहे. याबाबत अशोक साठे यांच्या फिर्यादीवरून अज्ञात चोरट्याविरुध्द ढोकी पोलिसांत गुन्हा दाखल करण्यात आला आहे. खासदारांच्या शेतातच चोरट्यांनी डल्ला मारल्याने याची चर्चा मात्र चांगलीच रंगली आहे.

तेरखेडा फटाका कारखान्यात स्फोट

धाराशिव जिल्ह्यातील वाशी तालुक्यातील तेरखेडा फटाका कारखान्यात स्फोट झाला आहे. या घटनेत एकजण गंभीर जखमी झाला आहे. ही घटना घडल्यानंतर आग लागली हाेती. गावकऱ्यांनी एकत्रीत प्रयत्न करुन आग विझविली. यामुळे मोठा अनर्थ टळला आहे.

Edited By : Siddharth Latkar