गुजरातमधील सुरतमध्ये असलेल्या एका फार्म हाऊसवर पोलीस धाड टाकत २२ जणांना अटक केली आहे. अटक करण्यात आलेल्या २२ जणांमध्ये ८ महिलांचा समावेश आहे. गुजरातमध्ये मद्यनिर्मिती, विक्री, साठवणूक आणि सेवन करण्यास बंदी आहे. दारूला बंदी असतानाच सुरतमधील एका फॉर्महाऊसमध्ये भंयकर प्रकार चालू चालू होता. पोलिसांच्या धाडीनंतर येथील दारू पार्टीचा भांडाफोड झालाय.

एका वरिष्ठ पोलीस अधिकाऱ्याच्या माहितीनुसार,पोलिसांना त्या पार्टीबाबत माहिती मिळाली होती. त्या माहितीच्या आधारे पोलिसांन धाड टाकली. सुरत शहरातील सुलतानाबाद भागात असलेल्या बापूजी नी वाडी नावाच्या फॉर्म हाऊसमध्ये पोलिसांनी धाडीची कारवाई केली. या फॉर्महाऊसमध्ये २५ ते ३० वय वर्ष असलेला महिला आणि पुरुषाचा ग्रुपची दारू पार्टी चालू होती.

वाढदिवस साजरा केला जात होता

सहाय्यक पोलीस आयुक्त (ACP) श्वेता डॅनियल्स यांनी पत्रकारांना माहिती दिली की, पोलिसांनी घटनास्थळावरून मद्य भरलेले अर्धे ग्लास, मद्याच्या पाच उघड्या बाटल्या आणि बिअरचे कॅन जप्त केले. तसेच, पोलिसांनी त्या ठिकाणाहून नऊ गाड्या आणि मोबाईल फोनही जप्त केले. पोलीस अधिकाऱ्यांनी सांगितले की, वाढदिवसाची पार्टी करण्यासाठी जे जमले होते.

मिळालेल्या माहितीनुसार, सुरतमधील विविध भागांतून आलेल्या आणि फार्महाऊसवर उपस्थित असलेल्या १४ पुरुष व ८ महिलांना ताब्यात घेण्यात आले. त्यानंतर या प्रकरणी त्या सर्वांना अटक करण्यात आली. पोलिसांच्या म्हणण्यानुसार, 'गुजरात प्रोहिबिशन ॲक्ट' (मद्यबंदी कायदा) अंतर्गत गुन्हा दाखल करण्यात आला असून तपास सुरू केला आहे.

गुजरातमध्ये आहे दारू बंदी

गुजरात हे 'ड्राय स्टेट' (मद्यबंदी असलेले राज्य) म्हणून ओळखले जाते. तिथे मद्याचे उत्पादन, विक्री, साठवणूक आणि सेवन करण्यास मनाई आहे. या कायद्यांतर्गत, सुरत येथील एका फार्महाऊसवर मद्यपान केल्याचा आरोप असलेल्या व्यक्तींवर कारवाई करण्यात आली आहे.