आंध्र प्रदेशच्या मंगलगिरीमध्ये किरकोळ वादातून हादरवणारी घटना घडली आहे.नवऱ्याने टीव्हीचा आवाज कमी करायला सांगितल्याने भडकलेल्या बायकोने भयंकर कृत्य केलं आहे. बायकोने केलेल्या धारदार शस्त्राने केलेल्या हल्ल्यात नवऱ्याचा मृत्यू झाला आहे. या प्रकरणी पोलिसांनी गुन्हा नोंदवून तपास सुरू केला आहे.

मिळालेल्या माहितीनुसार, आंध प्रदेशच्या मंगलागिरी पोलीस स्टेशनच्या मुरली कृष्णा यांनी सांगितलं की, 27 वर्षीय शेख अहमदने २५ वर्षीय पत्नीला टीव्हीचा आवाज कमी करण्यास सांगितलं. त्यावरून दोघांमध्ये टोकाचं भांडण झालं.

दोघांचं आठ महिन्यापूर्वी लग्न झालं होतं. ते अमरावतीमध्ये राहत होते. टीव्हीचा आवाज कमी करण्यास सांगितल्याने बायकोने नवऱ्याला थेट मारहाण करण्यास सुरुवात केली. मारहाणीदरम्यान महिलेने नवरा अहमदवर चाकूने हल्ला केला. या हल्ल्यात गंभीर जखमी झालेल्या अहमदला तातडीने रुग्णालयात दाखल करण्यात आलं. रुग्णालयात उपचारादरम्यान अहमदचा मृत्यू झाला. अहमदच्या मृत्यूने त्याच्या कुटुंबीयांना मोठा धक्का बसलाय.

अहमदच्या आईच्या तक्रारीवरून पोलिसांनी गुन्हा नोंदवला. आईने पोलिसांत तक्रारीत म्हटलं की, 'माझ्याने मुलाने टीव्हीचा आवाज कमी करण्यास सांगितला होता. त्यावरून सूनेने मुलावर चाकूने हल्ला केला'.

पोलीस अधिकारी मुरली कृष्णा यांनी सांगितलं की, घरातील किरकोळ वादातून बायकोने नवऱ्यावर चाकूने हल्ला केला.दोघांचं लग्न आठ महिन्याआधी झालं होतं. अहमदचा उपचारादरम्यान मृत्यू झाला. मृत व्यक्तीच्या आईच्या तक्रारीवरून गुन्हा नोंदवला आहे. या प्रकरणी हत्येचा गुन्हा दाखल करून आरोपी महिलेला अटक करण्यास पोलिसांची यंत्रणा कामाला लागली आहे'. अहमदच्या मृत्यूने मंगलगिरी परिसरात हळहळ व्यक्त करण्यात येत आहे.