जयपूरमधून धक्कदायक बातमी समोर आली आहे. घरी आलेल्या नातेवाइकाने १४ वर्षाच्या अल्पवयीन मुलीवर बलात्कार केला. या घटनेने परिसरात खळबळ उडाली असून आरोपीला पोलिसांच्या ताब्यात देण्यात आले आहे. या घटनेनंतर मुली स्वतःच्या घरातही सुरक्षित नाहीत का? असा प्रश्न उपस्थित केला आहे.

मिळालेल्या माहितीनुसार, पीडित मुलगी आणि तिचे कुटुंब मूळचे हरियाणाचे असून जयपूरमध्ये भाड्याने राहत आहेत. पीडितेचे वडील हे मजूर म्हणून काम करतात. बुधवारी रात्री पीडित मुलगी तिच्या आई आणि दोन लहान बहिणींसह एका खोलीत झोपली होती. यादरम्यान तिच्या कुटुंबातील एक तरुण खोलीत आला, त्याने तिला उठवले आणि खोटे सांगत तिला छतावर नेले. तिथे पोहोचल्यावर त्याने तिचे तोंड दाबून तिच्यावर बलात्कार केला.

यादरम्यान पीडित मुलगी मोठ्याने ओरडू लागली. मुलीच्या आवाजाने शेजारचे जागे झाले. घरातील कुटुंबीयांनीही आवाजाचा मागोवा घेत गच्ची गाठली. मुलीच्या कुटुंबियांना घटनास्थळी आरोपी मुलीवर अत्याचार करताना आढळून आला. मुलीच्या वडिलांनी आणि शेजाऱ्यांनी या आरोपी तरुणाला बेदम मारहाण केली.

पीडितेला तात्काळ रुग्णालयात दाखल केले असून आरोपी विरोधात तक्रार दाखल करण्यात आली आहे. एका तरुणाविरुद्ध बलात्कार आणि लैंगिक गुन्ह्यांपासून मुलांचे संरक्षण (POCSO) कायद्याच्या विविध कलमांखाली गुन्हा दाखल केला आहे. घटनेदरम्यान आरोपींवर देखरेख ठेवल्याबद्दल आणि मदत केल्याबद्दल आणखी एका तरुणाचे नावही नोंदवण्यात आले आहे. दोन्ही आरोपी अजूनही फरार आहेत. या घटनेनंतर मुली स्वतःच्या घरी देखील सुरक्षित नसल्याचं चित्र पाहायला मिळत आहे.