पुण्यातील ससून रुग्णालयातून एक धक्कादायक प्रकार उघडकीस आलाय. रुग्णातील एका रुग्णाला उंदीर चावल्याने त्याचा मृत्यू झालाय, असा आरोप मृत्यू झालेल्या व्यक्तीच्या नातेवाईकांनी केला आहे. तसेच मृतदेह ताब्यात घेण्यास देखील नातेवाईकांचा नकार दिला आहे.
मिळालेल्या अधिक माहितीनुसार, सदर रुग्ण ससून रुग्णालयातील आयसीयू विभागात काही दिवसांपूर्वी दाखल झाला होता. त्याचा आज मृत्यू झाला आहे. नातेवाईकांनी रुग्णालय प्रशासनावर यासाठी गंभीर आरोप केले असून रुग्णालयाने मात्र हा दावा फेटाळून लावलाय.
सागर रणुसे असे मृत्यू झालेल्या रुग्णाचे नाव आहे. १५ तारखेला दुचाकी चालवत असताना सागरचा अपघात झाला होता. १७ मार्च रोजी त्याच्यावर ससून रुग्णालयात उपचार सुरूच होते. तसचं २५ तारखेला त्याच्यावर एक शस्त्रक्रिया पार पडली. त्यानंतर सागरला आयसीयू विभागात दाखल करण्यात आलं. मात्र त्याची प्रकृती ढासळत गेली आणि मृत्यूशी सुरू असलेली त्याची झुंज संपली.
नातेवाईकांनी आयसीयूमध्ये सागरला उंदीर चावला आणि त्याचा मृत्यू झाला असा आरोप केला आहे. मात्र नातेवाईकांनी केलेल्या आरोपात काहीच तथ्य नसल्याचे ससून रुग्णालय प्रशासनाने स्पष्ट केले आहे. पोलीस या प्रकरणी अधिक तपास करतायत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.