Rashmika Mandanna News

आजच्या डिजीटल युगात तंत्रज्ञानाच्या साहाय्यानं आपली कामे सोपे होत आहेत, तितकाच त्याचा गैरवापरही केला जातोय. अनेक लोकं स्वतःचे हेतू पूर्ण करण्यासाठी तंत्रज्ञानाचा गैरवापर करत आहेत. या सगळ्यात सोशल मीडियाचा मोठा वाटा आहे. (latest entertainment news)

आजकाल प्रत्येकाचे आयुष्य सोशल मीडियावर सुरू होते आणि संपते. सोशल मीडियावर फॉलोअर्स वाढवण्यासाठी अनेक वेळा लोकं चुकीच्या गोष्टी करतात, याचे त्यांना मोठे परिणाम भोगावे लागतात. याचं ताजं उदाहरण म्हणजे नॅशनल क्रश अभिनेत्री रश्मिका मंदान्ना डीपफेक व्हिडिओ (Rashmika Mandanna Deepfake Video) प्रकरण आहे. यातील मुख्य आरोपीला शनिवारी दिल्ली पोलिसांनी अटक केली. याप्रकरणी आरोपीने मोठा खुलासा झालाय. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

फॉलोअर्स वाढविण्यासाठी घातला घाट

या प्रकरणातील (Deepfake Video) आरोपीचं नाव नवीन असं आहे. तो २४ वर्षीय डिजिटल मार्केटिंगचा विद्यार्थी आहे. पोलिसांच्या चौकशीत आरोपीने सांगितले की, तो रश्मिका मंदान्नाचे फॅन क्लब पेज चालवतो. ज्याचे ९० हजार फॉलोअर्स आहेत.

आरोपीने सांगितलं की, त्याला या पेजवर फॉलोअर्सची संख्या वाढवायची होती. पेजवर फॉलोअर्स वाढवण्यासाठी त्याने अभिनेत्री रश्मिका मंदान्नाचा (Rashmika Mandanna) डीपफेक व्हिडिओ अपलोड केला. आरोपीने सांगितले की व्हिडिओ अपलोड केल्यानंतर फॅन पेजला लगेचच २ आठवड्यात १०८,००० फॉलोअर्स मिळाले.

पोलिसांनी अटक केली

जेव्हा हा व्हिडीओ व्हायरल होऊ लागला, त्यानंतर अभिनेत्री रश्मिका मंदान्नाने स्वतः याबाबत पोलिसांकडे तक्रार केली. दिल्ली पोलिसांच्या स्पेशल सेलच्या IFSO युनिटने गुन्हा नोंदवून तपास सुरू केला. तपासादरम्यान, पोलिसांनी ५०० हून अधिक सोशल मीडिया खात्यांचा शोध घेतला. देशभरातील सोशल मीडिया धारकांची चौकशी (Rashmika Mandanna News) केली.

डीपफेक व्हिडिओची सायबर लॅबमध्ये तपासणी करण्यात आली. तपासात असं दिसून आलं की, मूळ व्हिडिओ ९ ऑक्टोबर २०२३ रोजी एका ब्रिटिश भारतीय मुलीने अपलोड केला होता. दिल्ली पोलिसांच्या स्पेशल सेलच्या सायबर युनिट IFSO ने आरोपीला आंध्र प्रदेशातून अटक केली आहे. त्यानंतर आरोपीने गुन्ह्याची कबुली दिलीय, अशी माहिती न्युज२४ च्या वृत्ताने दिली आहे.