शुक्रवारी सायंकाळी पुण्यातील सिंहगड रस्ता परिसरात एक धक्कादायक घटना घडली. कामावरून घरी परतणाऱ्या एका दाम्पत्याचा किरकोळ कारणावरून काही तरुणांसोबत वाद झाला. या वादानंतर, त्या तरुणांनी दाम्पत्याला शिवीगाळ केली आणि कोयत्याने हल्ला केला. हल्लेखोरांनी कोयत्याने वार करून तरुणाला जखमी केले.

दाम्पत्य सिंहगड रस्ता भागात राहायला होते. शुक्रवारी सायंकाळी, दाम्पत्य दुचाकीवरून घरी निघाले होते. सिंहगड रस्त्यावरील क्षेत्रीय कार्यालयाजवळ, त्यावेळी दुचाकीवरून एक टोळका जात होता. त्या टोळक्याशी किरकोळ कारणावरून दाम्पत्याचा वाद झाला.

त्यानंतर, टोळक्याने दाम्पत्याला शिवीगाळ करण्यास सुरुवात केली. त्यातल्या एकाने दाम्पत्यावर कोयता उगारला. झटापटीत टोळक्याने तरुणावर कोयत्याने वार केला. या घटनेनंतर आरोपी दुचाकीवरून पसार झाले. घाबरलेल्या दाम्पत्याने सिंहगड रस्ता पोलीस ठाण्यात धाव घेतली आणि घटनेची माहिती दिली.

या प्रकरणी रात्री सिंहगड रस्ता पोलीस ठाण्यात गुन्हा दाखल करण्यात आला. पोलिसांनी तातडीने कारवाई करत. हल्ल्याचं नेमकं कारण काय होतं आणि आरोपी कोण आहेत, याचा शोध पोलीस घेत आहेत. या हल्ल्यामुळे परिसरात भीतीचे वातावरण पसरले आहे.

Edited By - Purva Palande