अक्षय बडवे

Kondhwa Crime News:

पुण्यातील ( Pune) कोंढवा परिसरात एक धक्कादायक घटना घडली आहे. नऊ वर्षांच्या एका चिमुकल्यावर लैंगिक अत्याचार करण्यात आलाय. या घटनेमुळे परिसरात एकच खळबळ उडाली आहे. पीडित मुलाच्या मामाने याबाबत पोलीस ठाण्यात तक्रार दिल्यानंतर सर्व प्रकार समोर आलाय. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, मौहम्मद युसुफ असं आरोपीचं नाव आहे. सदर घटनेत पोक्सो अंतर्गत आरोपीवर गुन्हा दाखल करण्यात आलाय. घडलेल्या घटनेमुळे मुलगा घराबाहेर पडत नव्हता. त्याला सर्वांची भीती वाटायची. मुलाच्या वागण्यात बदल झाला होता. आपल्या भाच्याच्या आयुष्यात काहीतरी गैर घडल्याचं मामाच्या लक्षात आलं.

त्यानंतर मामाने त्याची चौकशी केली. त्याच्या मनातील भीती नेमकी काय आहे हे जाणून घेतलं. मामावर विश्वास ठेवून चिमुकल्याने देखील घडलेल्या प्रसंगाबाबत मामाला माहिती दिली. भाच्यासोबत घडलेला प्रकार ऐकून मामाचा संताप झाला. त्याने तातडीने पोलीस ठाण्यात धाव घेतली आणि घटनेबाबात तक्रार दाखल केली.

पोलिसांनी दिलेल्या माहितीनुसार, चिमुकला १० नोव्हेंबर रोजी त्याच्या मित्रासह कोंढवा येथे बाहेर एका ठिकाणी गेला होता. यावेळी तेथे आरोपी आला आणि त्याने पीडित अल्पवयीन व त्याच्या मित्राला एका खोलीत नेले. त्यानंतर त्याने पीडित अल्पवयीन मुलावर लैंगिक अत्याचार केले. मुलाने घरी याबाबत सांगितल्यावर सगळा प्रकार उघडकीस आलाय. पोलीस याप्रकरणी अधिक तपास करत आहेत.