- चेतन व्यास

Wardha News

वर्धा जिल्ह्यात अवैधरित्या वाळूची वाहतूक करणाऱ्यांवर कारवाईचा बडगा उगारण्यात आला आहे. अवैधरित्या वाळूची वाहतूक करणाऱ्या दोघांना पाेलिसांनी बेड्या ठोकल्या आहेत. या प्रकरणी अऩ्य तिघांचा शाेध सुरु आहे. पोलिसांनी 3 ट्रॅक्टरसह १८ लाख १५ हजार रुपयांचा वाळूसाठा जप्त केला आहे. (Maharashtra News)

मेनखात शिवारातील वणा नदीपात्रातून अवैधरित्या वाळूचे उत्खनन करून त्याची ट्रॅक्टरने वाहतूक सुरू असल्याची माहिती पोलिसांना मिळाली होती. पोलिसांनी जाम ते मेनखात रस्त्यावर सापळा रचून नाकाबंदी केली असता तीन ट्रॅक्टर येताना दिसले. पोलिसांनी पाहणी केली असता ट्रॅक्टरमध्ये वाळू दिसून आली.

याप्रकरणी पोलिसांनी चालक मनोज कुंडलिक उईके (रा. मेनखात), सूरज सुरेश घोटे (रा. किन्हा खरडा) यांना अटक केली. ट्रॅक्टर मालक अजू खेडेकर (रा. जाम), होमलाल जगरा (रा. हिंगणघाट), धिनज मारोती मडावी (रा. उब्दा) यांच्याविरुद्ध गुन्हा दाखल केला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar