तबरेज शेख, नाशिक|ता. १५ जानेवारी २०२४

Nashik Crime News:

शाळेच्या सहलीसाठी आलेल्या विद्यार्थी तसेच शिक्षकांचे मोबाईल चोरी केल्याचा धक्कादायक प्रकार नाशिकमधून समोर आला आहे. या प्रकरणी भद्रकाली पोलिसांनी तपास करत संशयिताला ताब्यात घेतले आहे. तसेच त्याच्याकडून १८ चोरीचे मोबाईलही जप्त करण्यात आले आहेत. (Crime News in Marathi)

डिसेंबर महिन्यात यवतमाळ (Yavatmal) येथील नारायण लीला शाळेची सहल ही नाशिक (Nashik) शहरात आली होती. शहरातील प्रमुख पर्यटन स्थळ बघितल्यानंतर सहलीतील विद्यार्थी व शिक्षक हे नाशिकच्या गोदा घाटावरील संत गाडगे महाराज धर्मशाळेत मुक्कामी राहिले होते.

या ठिकाणी गाठ झोपेत असलेल्या विद्यार्थी व शिक्षक यांचे मोबाईल चार्जिंगला लावलेले होते तर काहींचे मोबाईल हे उशाशी होते. यावेळी सर्वजण गाढ झोपलेले असल्याचा फायदा घेत चोरट्याने २० मोबाईल लंपास केले होते. याबाबत भद्रकाली पोलीस ठाण्यात गुन्हा दाखल केला होता. भद्रकाली पोलिसांच्या गुन्हे शोध पथकाने संशयताचा शोध घेण्यास सुरूवात केली होती.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अशातच संशयित हा द्वारका परिसरात फिरत असल्याची गुप्त माहिती गुन्हे शोध पथकाला मिळाली. यानंतर पोलिसांनी सापळा रचत त्याला शिताफीने ताब्यात घेतले तसेच त्याची कसून चौकशी करत त्याच्याकडून २० पैकी 18 मोबाईल हस्तगत करण्यात आले. या प्रकरणाचा पुढील तपास भद्रकाली पोलीस ठाण्याचे वरिष्ठ पोलिस निरीक्षक गजेंद्र पाटील यांच्या मार्गदर्शनाखाली गुन्हे शोध पथकाचे सहाय्यक पोलिस निरीक्षक सत्यवान पवार करत आहेत. (Latest Marathi News)