विद्यार्थी आणि शिक्षक या पवित्र नात्याला काळीमा फासणारी घटना बुलढाण्यातील मलकापूर येथून समोर आली आहे. विद्यार्थिनीला नोट्स आणि मार्क वाढवून देण्याच्या बहाण्याने बोलावून तिच्यावर अत्याचार केला आणि नंतर व्हिडिओ स्क्रिन रेकॉर्डिंग व्हायरल करून धमकावल्याची संतापजनक घटना उघडकीस आली आहे. या प्रकरणी शिक्षकासह एका अल्पवयीन मुलीवर गुन्हा दाखल झाला असून पोलिसांनी तपास सुरू केला आहे.

पीडित तरुणीच्या तक्रारीनुसार, आरोपी शिक्षक मुकेश परमसिंग रबडे (वय ४०, रा. तरोडा, ता. मोताळा) हा परिचित असल्याने २८ ऑक्टोबर २०२५ रोजी “नोट्स आणि प्रॅक्टिकल मार्क देतो” असे सांगून तहसील चौकात बोलावले. तेथून त्याने तिला पंचमुखी जवळील एका रूममध्ये नेले. रूममध्ये आरोपीने पिडीतीची मैत्रिणी हिला व्हिडिओ कॉल करून “स्क्रिन रेकॉर्डिंग कर” असे सांगितल्याचा आरोप पीडितेने केला आहे.

त्यानंतर पिडीतीला धमकावून तिच्यावर अत्याचार करण्यात आले. रात्रभर त्याचं रूम मध्ये ठेऊन दुसऱ्या दिवशी सकाळी तिला परत सोडताना “प्रकार कोणाला सांगितला तर व्हिडिओ व्हायरल करीन” व तुझ्या भावाला व वडिलांना ठार मारेल अशी धमकी दिली गेली. मात्र काही दिवसांपूर्वी पीडीतेच्या मैत्रिणीने रेकॉर्डिंग व्हायरल केल्याने पिडीतीच्या कुटुंबाच्या निदर्शनास हा प्रकार आला.

त्यानंतर पीडित मुलीने वडिलांना सत्य सांगून पोलिसात तक्रार दाखल केली. या प्रकरणी कलम 64(2) (f),64 (2) (m), 115(2), 351(2),3(5). BNS सहकलम 4,6 पॉक्सो सहकलम 67 आणि तंत्रज्ञान अधिनियम अन्वये पॉक्सो कायद्यानुसार गुन्हा नोंदवण्यात आला आहे. आरोपी शिक्षकास अटक केली असून त्याला 10 डिसेंबर पर्यंत न्यायाल्याने पोलीस कस्टडी ठोठवली आहे..पुढील तपास मलकापूर पोलीस करीत आहे.