• मध्य प्रदेशातील मोरेना येथे धक्कादायक घटना

• तरुणाने बायको आणि दोन मुलांची हत्या केली

• त्यानंतर आरोपीने धावत्या ट्रेनसमोर उडी मारून आत्महत्या केली

• पोलिसांकडून घटनेचा सखोल तपास सुरू

मध्य प्रदेशमध्ये भयंकर घटना घडली. तरुणाने बायको आणि दोन मुलांची हत्या करून नंतर आत्महत्या केली. धावत्या ट्रेनसमोर उडी मारून त्याने आयुष्य संपवलं. या घटनेमुळे मध्य प्रदेश हादरले. मध्य प्रदेशच्या मोरेना जिल्ह्यातील मटाबसैया पोलिस ठाण्याच्या हद्दीतील एका गावात शनिवारी सकाळी ही घटना घडली.

मिळालेल्या माहितीनुसार, ३२ वर्षीय बलरामने त्याची २८ वर्षीय बायको रविता, १० वर्षीय आरव आणि ७ वर्षीय मुलगा अतुल यांची हत्या केली आणि त्यानंतर रल्वेसमोर उडी मारून आत्महत्या केली. या घटनेमुळे परिसरात खळबळ उडाली आहे. स्थानिकांनी पोलिसांना घटनेची माहिती दिली. त्यानंतर पोलिसांनी घटनास्थळी धाव घेतली आणि त्यांनी घटनास्थळाची पाहणी केली. पोलिसांनी चारही जणांचे मृतदेह ताब्यात घेतले आणि शवविच्छेदनासाठी रुग्णालयात पाठवले.

पोलिसांच्या प्राथमिक तपासातून असे समोर आले आहे की, नवरा-बायकोमध्ये बऱ्याच काळापासून कौटुंबिक वाद सुरू होता. रविता काही काळ तिच्या माहेरी राहत होती आणि अवघ्या दोन दिवसांपूर्वीच ती सासरच्या घरी परत आली होती. यानंतर कुटुंबात नेमके काय घडले हे अद्याप स्पष्ट झालेले नाही. कुटुंबातील सदस्यांची आणि जवळच्या लोकांची चौकशी केली जात आहे.

पोलिस अधिकाऱ्यांनी सांगितले की, घटनेचे खरे कारण शोधण्यासाठी सर्व बाबींचा तपास केला जात आहे. कुटुंबीय आणि जवळच्या रहिवाशांची चौकशी केली जात असून घटनास्थळावरून पुरावे गोळा केले जात आहेत. तपास पूर्ण झाल्यावरच नेमके कारण आहे. या हृदयद्रावक घटनेमुळे संपूर्ण परिसरात शोककळा पसरली आहे. या घटनेनंतर गावात एकच खळबळ उडाली. गावात मोठी गर्दी झाली आहे.