बुलढाणा जिल्ह्यात वंचित बहुजन आघाडीचे जिल्हा महासचिव प्रमोद भिसे यांच्या वाहनावर मंगळवारी रात्री अज्ञातांनी गोळीबार केला. वाहनाच्या काचेवर गाेळी लागल्याने माेठा अनर्थ टळला. पाेलिस घटनेचा कसून तपास करीत आहेत.

ही घटना नांदुरा - जळगाव जामोद - बुऱ्हाणपूर मार्गावर रात्री दहाच्या सुमारास घडली. प्रमोद भिसेंसह जळगाव जामोद वंचितचे तालुका अध्यक्ष सुनील बोदडे कारमधून प्रवास करीत होते. त्यावेळी त्यांच्या कारवर हल्लेखोरांनी गोळीबार करून पळ काढला. दरम्यान गोळी काचेत अडकल्याने पुढील अनर्थ टळला.

पाेलिसांकडून मिळालेल्या प्राथमिक माहितीनूसार या हल्ल्यात हल्लेखोरांनी लोखंडी रॉडसह, बंदुकीचा वापर केला आहे. तक्रारदाराच्या तक्रारीनूसार तीन गोळ्या झाडण्यात आल्या. या घटनेत वाहनाच्या काचेचे नुकसान झाले. संशयितांचा तपास सुरु आहे.

Edited By : Siddharth Latkar