दोन दिवसांपूर्वी लातूर शहरातील ५ नंबर चौकाकडून जाणाऱ्या बायपासवर एक तरुण आणि तरुणीवर चाकू हल्ला झाला. हल्लेखोरांनी त्यांचा पाठलाग करत त्यांच्यावर प्राणघातक हल्ला केला होता. अनमोल कवठे याचा मृत्यू झाला तर सोनाली भोसले गंभीर जखमी झाल्या. हा हल्ला होण्यापूर्वीचा व्हिडिओ आता समोर आलाय.

हा व्हिडिओ एका कार्यक्रमातील आहे. लातूर शहरात भ्रष्टाचार निर्मूलन समितीच्या मेळाव्यात अनमोल कवठे आणि सोनाली भोसले हे आले होते. त्या कार्यक्रमात डान्स करताना दिसत होते. त्या कार्यक्रमातून निघून गेल्यानंतर त्यांच्यावर चाकू हल्ला झाला. गाडीला कट का मारला या कारणावरून सोलापूर येथील अनमोल कवठे आणि सोनाली भोसलेवर धारदार चाकूने हल्ला केला. यात अनमोल कवठे यांचा मृत्यू झाला.

लातूर शहरात भ्रष्टाचार निर्मूलन समितीच्या मेळाव्यासाठी सोलापूरहून अनमोल कवठे आणि सोनाली भोसले आले होते. मध्यरात्री पाच नंबर चौकाकडून औसाला जाणाऱ्या बायपास रोडवर त्यांच्यावर काही अज्ञातांनी चाकू हल्ला केला. गाडीला कट का मारला? या कारणावरून सोलापूर येथील अनमोल कवठे आणि सोबत असलेल्या सोनाली भोसले या दोघांवर धारदार चाकूने हल्ला केला.

या हल्ल्यात अनमोल कवठेचा मृत्यू झाला तर सोनाली भोसले ही गंभीर जखमी आहे. तिच्यावर सध्या लातूर येथे शासकीय रुग्णालयात उपचार सुरू आहेत. दरम्यान या हल्ल्यातील मयत अनमोल कवठे हा राष्ट्रवादी शरद पवार गटाचा कार्यकर्ता होता. अनमोलवर देखील खंडणी सारखे पाच गुन्हे दाखल आहेत. त्याला तडीपार देखील करण्यात आलं होतं.

तर घटनेतील आरोपी शुभमला पोलिसांनी अटक केली. आरोपीने अनमोलच्या गळ्यावर आणि मानेवर चाकूने सपासप वार केले. चाकू गळ्यामध्ये आरपार गेल्यामुळे त्याचा जागीच मृत्यू झाला. तर अनमोलची मैत्रीण सोनालीवर आरोपीने चाकूने छातीवर तीन आणि पाठीवर दोन वार केले.