अनैतिक संबंध कायम ठेवण्यासाठी एका महिलनं आपल्या पतीची हत्या त्याच्याच सख्ख्या भावाच्या मदतीन केली. ही धक्कादायक घटना जालन्यातील सोमठाणा येथे घडलीय. दरम्यान या प्रकरणी महिला आणि तिच्या दीराला अटक करण्यात आलीय. दीर ज्ञानेश्वर राम तायडे (वय २८) आणि मनिषा परमेश्वर तायडे (वय २५) अशी आरोपींची नावे आहेत. तर परमेश्वर राम तायडे असं हत्या झालेल्या व्यक्तीचे नाव आहे.

मिळालेल्या माहितीनुसार, मनिषा तायडे हिचे आणि तिच्या सख्ख्या दीरासोबत अनैतिक प्रेमसंबंध होते. पण त्यांच्या या अनैतिक संबंधांमध्ये मनिषाचा पती परमेश्वर राम तायडे अडथळा ठरत होता. त्यामुळे दोघांनी मिळून परमेश्वरला संपवण्याचं कट आखला .

नियोजित केलल्या कटानुसार दोघांनी १५ ऑक्टोबर रोजी मध्यरात्रीच्या सुमारास ज्ञानेश्वर आणि मनिषाने परमेश्वरच्या डोक्यात आणि चेहऱ्यावर कुऱ्हाडीने वार केला. त्यात परमेश्वरचा जीव गेला. त्यानंतर, त्यांनी परमेश्वरच्या मृतदेहाची विल्हेवाट लावण्यासाठी तो मृतदेह तलावात फेकण्याचा निर्णय घेतला. मृतदेह तलावात तरंगू नये म्हणून त्यांनी मृतदेह एका गोणीत भरला आणि त्याला दगड बांधून सोमठाणा तलावात फेकला.