इन्स्टाग्राम इन्फ्लुएन्सरची दिवसाढवळ्या ऑफिसमध्ये घुसून हत्या केल्याची घटना समोर आली आहे. राजस्थानच्या फलोदीमधील या घटनेने खळबळ उडाली आहे. अनामिक बिश्नोई असं मृत महिलेचं नाव आहे. अनामिकाच्या पतीनेच घरगुती वादातून ही हत्या केल्याचं समोर आलं आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
अनामिकाचे इंस्टाग्रामवर जवळपास १ लाख ६ हजार फॉलोअर्स आहेत. अनामिकाच्या हत्येच सीसीटीव्ही फुटेजही समोर आलं आहे. फलोदी पोलीस ठाण्याच्या हद्दीतील नागौर रोडवरील सिटी पॉइंटजवळ रविवारी दुपारी ही घटना घडली आहे. अनामिका फलोदी येथील सिटी पॉइंटजवळ नारी कलेक्शन नावाने दुकान चालवत होती.
तिथेच तिचा पती महिराम बिश्नोईने तिला गोळ्या घातल्या. अनामिकाचा जागीच मृत्यू झाला. त्यानंतर महिरामने घटनास्थळावरुन पळ काढला. घटनेची माहिती मिळताच पोलीस घटनास्थळी दाखल झाले. त्यावेळी अनामिका दुकानात रक्ताच्या थारोळ्यात पडलेली आढळली. रुग्णालयात नेले असता डॉक्टरांनी तिला मृत घोषित केले. (Latest Marathi News)
पोलिसांनी दिलेल्या माहितीनुसार, अनामिकाचा पती महिराम दुपारी १२ वाजता दुकानात आला होता. जिथे दोघांमध्ये वाद झाला. त्यानंतर दुपारपर्यंत अनामिक बाहेर आलीच नाही. त्यामुळे शेजारी दुकानातील काही जणांना दुकानात पाहिलं त्यावेळी घटनेची माहिती मिळाली.
अनामिका आणि महिराम यांचं १३ वर्षांपूर्वी लग्न झालं होतं. दोघांमध्ये दोन वर्षांपासून वाद सुरू आहे. दोघांना दोन मुले देखील आहेत. अनामिका आपल्या दोन मुलांसह वेगळी राहत होती. पोलीस घटनेचा अधिक तपास करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.