भूषण अहिरे

Dhule News:

धुळ्यातील (Dhule) चोरीच्या घटनांचे प्रमाण मोठ्या प्रमाणावर वाढले आहे. अशात धुळे स्थानिक गुन्हे अन्वेषण विभागाच्या पथकाने कारवाईचा बडगा उगारला असून चोरीला गेलेल्या जवळपास 12 मोटरसायकली ताब्यात घेतल्यात. तसेच या घटनेत पाच जणांच्या मुसक्या देखील आवळल्या आहेत.

शहरात सतत दुचाकी (Two Wheeler) चोरीच्या घटना घडत आहेत. गेल्या दोन दिवसांपूर्वी देखील दुचाकी चोरीची घटना उघडकीस आली होती. त्या अनुषंगाने स्थानिक गुन्हे अन्वेषण विभागाच्या पथकाने तपास सुरू केला. तपासात मोठी टोळी सक्रिय असल्याचे उघडकीस आले आहे.

स्थानिक गुन्हे अन्वेषण विभागाच्या पथकाने तपास सुरू केला असता या कारवाईदरम्यान जवळपास पाच जणांना ताब्यात घेण्यात आलं आहे. त्यांच्याकडून जवळपास 12 दुचाकी वाहने पोलिसांनी जप्त केले आहेत. त्यातील सहा दुचाकी वाहने हे विविध गुन्ह्यांमध्ये असल्याचे आढळून आले आलेय.

तर इतर ६ वाहने कुठली आहेत त्याचा देखील पुढील तपास पोलीस करत आहे. ही वाहने जिल्ह्यासह जिल्हा बाहेरून चोरली असल्याचे उघडकीस आले आहे. त्या अनुषंगाने पुढील तपास स्थानिक गुन्हे अन्वेषण विभागाच्या पथकातर्फे करण्यात येत आहे.