फैयाज शेख, साम टीव्ही भिवंडी

भिवंडीमधून एका वयोवृद्ध महिलेच्या खुनाची घटना समोर आलीय. आरोपीनं ऑनलाईन रमी जुगाराच्या नादात वयोवृद्ध महिलेची निर्घृण हत्या केली.त्यानंतर घराला आग लावून लाखोंचे दागिने घेऊन पळाला (Bhiwandi crime News) होता. पोलिसांनी वेगाने तपासाची सुत्र फिरवत आरोपीला ३६ तासांत अटक केलीय. आपण या घटनेबद्दल अधिक सविस्तर जाणून घेवू या.

कर्ज फेडण्यासाठी हत्येचा कट रचला

ऑनलाईन जुगार खेळाच्या (online rummy) नादात कर्जबारी झालेल्या तरुणाने कर्ज फेडण्यासाठी हत्येचा कट रचल्याचं समोर आलंय. ही घटना भिवंडी तालुक्यातील भुईशेत गावच्या हद्दीत झाटेपाडा, येथील आरिफ फार्म हाऊसमध्ये घडली आहे. धक्कादायक बाब म्हणजे घटनेच्या दिवशी आरोपी वयोवृद्ध महिलेचा गळा कापुन, अंगावरील आणि घरातील सोन्याचे दागिने चोरी करुन घराला आग लावुन फरार झाला होता.

आरोपीला ३६ तासाच्या आत अटक

मात्र, भिवंडी ग्रामीण तालुका पोलिसांनी तपासाची चक्रं जलदगतीने फिरवत आरोपीला ३६ तासाच्या आत ठाण्यातील एका लॉजिंगमधून अटक केलीय. अभिमन्यु गुप्ता, असं अटक केलेल्या आरोपीचं नाव (crime news) आहे. तर सेल्वामेरी अगस्टीन नाडर, (वय ७४) असं निर्घृण हत्या झालेल्या वयोवृद्ध महिलेचं नाव आहे. मृत महिलेच्या मुलाकडे आरोपी कामाला होता. त्यामुळे त्याला मृत महिलेच्या घरात दागिने असल्याचे माहित होतं.

गुन्हा केला कबूल

आरोपी अभिमन्यू गुप्ता याला रमी जुगार खेळण्याचा नाद लागला होता. त्यामुळे ऑनलाईन रमी जुगारात एक ते दीड लाख कर्ज झाल्याने ते कर्ज फेडण्यासाठी त्याने कट रचला. या महिलेची हत्या करून तिच्या अंगावरील आणि घरातील दागिने (killed elderly woman) घेतले. त्यानंतर हत्येचा संशय येऊ नये म्हणून घराला आग लावून त्या आगीत मृतकचा जळून मृत्यू झाला असे भासवत पळून गेला, अशी कबुली आरोपीने पोलिसांना दिलीय. आरोपीला १७ ऑगस्ट रोजी न्यायालयात हजर केले असता २८ ऑगस्टपर्यंत पोलीस कोठडी सुनावली आहे.