- तबरेज शेख

जुन्या नाशिक येथे गुरुवारी (ता. १६ मे) उभ्या असलेल्या वाहनांची जाळपोळ केल्याची घटना घडली होती. या घटनेनंतर परिसरात भीतीचे वातावरण पसरले होते. गाड्या जाळल्या प्रकरणी आणि जाळण्यासाठी सुपारी दिल्याचा संशयावरुन मुख्य सूत्रधारासह पाच जणांना भद्रकाली पोलिसांनी शनिशिंगणापूर येथून अटक केली.

पाेलिसांनी दिलेल्या माहितीनूसार जून्या नाशिक परिसरातील चार भागांमध्ये दुचाकी आणि चारचाकी अशा तब्बल 11 ते 12 वाहनांची जाळपोळीची घटना घडली होती. या प्रकरणी सनी संजय गावडे, प्रशांत बाळासाहेब फड, प्रविण बाळु कराटे, आकाश राजु सांळुके, विजय सुरेश लोखंडे अशी अटक केलेल्या संशयित आरोपींची नावे आहेत. हे सगळे पंचवटी परिसरात राहणारे आहेत.

या संशयितांची गुन्हेगारी पार्श्वभूमी असून याआधी देखील यांच्यावर काही गुन्हे दाखल असल्याचे पोलिस उपआयुक्त किरण कुमार चव्हाण यांनी साम टीव्हीशी बाेलताना नमूद केले.

Edited By : Siddharth Latkar