Beed Crime Saam Tv
क्राईम

Beed Crime: राष्ट्रवादीच्या बड्या नेत्यावर गुन्हा, शिक्षिकेवर लैंगिक अत्याचार; प्रकरण मिटवण्यासाठी मुंडे-कराडची मध्यस्थी?

Beed Police: बीडमध्ये महिला शिक्षिकेवर राष्ट्रवादी काँग्रेस अजित पवार गटाच्या बड्या नेत्याने लैंगिक अत्याचार केलयाची धक्कादायक घटना समोर आली आहे. या प्रकरणी गुन्हा दाखल करण्यात आला आहे.

Priya More

योगेश काशिद, बीड

बीडमध्ये राष्ट्रवादी काँग्रेस अजित पवार गटाच्या पदाधिकाऱ्याने शिक्षक महिलेवर लैंगिक अत्याचार केले. या प्रकरणी अजित पवार गटाच्या उपाध्यक्ष नारायण शिंदेविरोधात शिवाजीनगर पोलिस ठाण्यात गुन्हा दाखल करण्यात आला. पुण्यात फ्लॅट घेऊन देतो म्हणत १ कोटी रुपयांची फसवणूक केल्याचा आरोप महिलेने केले आहे. हे प्रकरण मिटवण्यासाठी आमदार धनंजय मुंडे आणि वाल्मीक कराड यांनी मध्यस्थी केल्याचा दावा संबंधितांनी केला आहे. तक्रार दिल्यास आरोपी नारायण शिंदे यांनी महिलेला जीवे मारण्याच्या धमक्या दिल्या होत्या.

मिळालेल्या माहितीनुसार, बीड शहरात राहणाऱ्या एका शिक्षिकेवर राष्ट्रवादी काँग्रेस अजित पवार गटाचा पदाधिकारी नारायण शिंदेने लैंगिक अत्याचार केल्याच्या प्रकरणात शिवाजीनगर पोलिस ठाण्यात गुन्हा दाखल करण्यात आला आहे. नारायण शिंदे हा राष्ट्रवादी काँग्रेसचा पदाधिकारी असून जिल्हा परिषदेचा माजी सदस्य देखील आहे. गंभीर बाब म्हणजे हे प्रकरण मिटवण्यासाठी नारायण शिंदे याने आमदार धनंजय मुंडे आणि संतोष देशमुख खून प्रकरणातील आरोपी वाल्मीक कराड यांची मदत घेतली होती. त्यांच्या उपस्थितीत बैठक देखील झाल्याचे या महिलेने तक्रारीत नमूद केले आहे.

तसेच आरोपी नारायण शिंदे याने या महिलेकडून फ्लॅट घेऊन देतो असे म्हणत तब्बल १ कोटी १० लाख रुपये घेतले असून आता जर तक्रार केली तर तुला जीवे मारून टाकीन. माझी वरपर्यंत पोहोच आहे असे म्हणत धमकी दिल्याचे देखील महिलेने तक्रारीत म्हटले आहे. या प्रकरणात बीडच्या शिवाजीनगर पोलिस ठाण्यात गुन्हा दाखल करण्यात आला असून आरोपी नारायण शिंदे फरार असून त्याचा शोध आता शिवाजीनगर पोलिस घेत आहेत.

नारायण शिंदेने महिलेवर अत्याचार करत तिला १ कोटी १० लाख रुपयांची फसवणूक केल्याच्या प्रकरणात २३ ऑक्टोबर रोजी शिवाजीनगर पोलिस ठाण्यात तक्रार अर्ज दिला होता. यानंतर नारायण शिंदे याच्या वतीने वाल्मीक कराडने फोन करत आपण बसून तुमचे प्रकरण मिटवू असे म्हणाले तसेच आमदार धनंजय मुंडे हे सुद्धा बैठकीस उपस्थित राहतील. त्यानुसार २५ नोव्हेंबर २०२३ रोजी परळी येथील कार्यालयात बैठक झाली. त्या बैठकीत या महिलेसह आरोपी नारायण शिंदे, धनंजय मुंडे, वाल्मीक कराड अविनाश नाईकवाडे आणि बुधवंत हे उपस्थित होते.

'त्या बैठकीत ठरल्याप्रमाणे आरोपी नारायण शिंदे यांनी केलेल्या फसवणुकीबाबत भरपाई रक्कम म्हणून अडीच कोटी रुपये मला धनंजय मुंडे यांच्यामार्फत देणार होता. परंतु त्या बैठकीत ठरल्याप्रमाणे आरोपी नारायण शिंदे याने पूर्तता केली नाही. मी त्यांना याबाबत विनंती देखील केली परंतु त्या बैठकीस उपस्थित असलेल्या कोणीही काहीही दाद दिली नाही.' असा देखील आरोप या महिलेने केला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT