बीड जिल्हा गुन्हेगारीच्या घटनांमुळे पुन्हा चर्चेत आलाय. कधी एखाद्या कामगाराला मारहाण, तर कधी हॉटेल व्यवसायिकावर जीवघेणा हल्ला,अशा सतत घडणाऱ्या घटनांमध्ये नागरिकांमध्ये भीती आणि दहशतीचं वातावर आहे. मुलीला का मारलं म्हणून जाब विचारणाऱ्या एक वृद्ध महिलेला विटा आणि काठीनं मारहाण झालीय. ही घटना अंबाजोगाई येथील चनई वडार वस्ती परिसरात घडलीय. याप्रकरणी आरोपींच्या अटकेसाठी नातेवाईकांनी पोलीस ठाण्यात ठिय्या केला आहे.

यशोदा बालाजी राठोड असे मृत महिलेचे नाव असून या महिलेच्या मुलीला आरोपीने मारहाण केली होती.माझ्या मुलीला का मारलं? असा जाब विचारल्याच्या कारणावरून यशोदा राठोड यांना विटेने आणि काठीने मारहाण करण्यात आली. मारहाणीचा जाब विचारण्यासाठी गेली असता सुभाष लष्करे नावाच्या व्यक्तीने त्यांना शिवीगाळ करत वीट फेकून मारली. हे भांडण सोडवायला गेलेल्या राणी राठोड यांनाही आरोपीच्या मुलांनी काठीने बेदम मारहाण केली.

या मारहाणप्रकरणी राणी बालाजी राठोड यांनी दिलेल्या फिर्यादीवरून आरोपी सुभाष लष्करे, मंदाकिनी सुभाष लष्करे, विश्व सुभाष लष्करे आणि इंद्र सुभाष लष्करे या चौघांविरोधात अंबाजोगाई शहर पोलिसांत गुन्हा दाखल करण्यात आलाय. या खून प्रकरणातील एक आरोपी अटक असून उर्वरित तीन आरोपींना तात्काळ अटक करावी या मागणीसाठी मयत महिलेच्या नातेवाईकांनी पोलीस स्टेशनमध्ये ठिय्या आंदोल केलं.

सासूच्या डोक्यात फळी घातली

रत्नागिरी जिल्ह्यातील चिपळूण तालुक्यात रेहेळ-गावणवाडी येथे ही घडली आहे. या गावात रहिवासी असलेले नाचरे कुटुंबातील सुवर्णा नाचरे (वय ७१) यांनी आपली सून मयुरी नाचरे हिला सकाळी लवकर उठून शेतातील पेरणीच्या कामात मदत करायला सांगितली. मात्र झोपेतून उठवल्यामुळे मयुरी संतापली आणि दोघींमध्ये शाब्दिक वाद सुरू झाला. त्यातून सासूवर हल्ला केला.