Baramati News

ग्राम पंचायत निवडणुकीनंतर बारामती तालुक्यातील सायंबाचीवाडीत हाणामारी आणि शांतता भंग केल्याप्रकरणी 80 ते 90 जणांवर गुन्हे दाखल करण्यात आले आहेत. सायंबाचीवाडी गावच्या पोलीस पाटनांनाही मारहाण करण्यात आली आहे. याप्रकरणी दुर्योधन भापकर याच्याविरोधात तक्रार दाखल करण्यात आली आहे. दुर्योधन भापकर याने जाणीवपूर्वक पोलीस पाटील यांना मारहाण केल्याचा आरोप आहे.

निवडणूक निकालादिवशी पुण्याच्या जिल्हाधिकाऱ्यांनी जमावबंदी, शस्त्रबंदीचा आदेश काढला होता. मात्र, सदर आदेशाला न जुमानता सार्वजनिक ठिकाणी बेकायदेशिररित्या गर्दी करून शांतता भंग करणे, हाणामारीचे प्रकार घडले होते. तसेच खासगी वाहनांच्या काचा फोडण्यात आल्या होत्या. याबाबत पोलिसांनी स्वतः गुन्हे दाखल केले आहे. वडगाव निंबाळकर पोलिसांनी 143,147,148,149,160,188,324,323,427 अंतर्गत आणि महाराष्ट्र पोलीस अधिनियम 1991 कलम 37(1)/135 अंतर्गत गुन्हे दाखल केले आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नुकताच ग्रामपंचायत निवडणुका पार पडल्या. या निवडणुतीत अनेक धक्कादायक निकाल लागले आहेत. या निवडणुकांदरम्यान अनेक ठिकाणी गालबोट लागले. बारामतीतही सायंबाचीवाडी येथे ग्रामपंचायत निवडणुकीनंतर दोन गटात वाद झाला. या वादानंतर दोन्ही गट एकमेकांना भिडले होते. यावेळी दगडफेक, हाणामारी झाली होती. त्यानंतर वाहनांच्या काचाही फोडण्यात आल्या. त्यामुळे गावात काहीकाळ तणाव निर्माण झाला होता. दरम्यान पोलिसांनी तात्काळ घटनास्थळी पोहोचून परिस्थिती नियंत्रणात आणली होती.