अंबरनाथ पश्चिमेतील गवलदेवी परिसरात राहणाऱ्या लालमणी यादव या तरुणावर बुधवारी सकाळच्या सुमरास काही हल्लेखोरांनी जीवघेणा हल्ला केला. लालमणी यादव हा आनंदनगर एमआयडीसीमधील कंपनीत कामावर जात असताना दुचाकीवरून आलेल्या चौघांनी त्याला अडवले आणि त्याच्यावर कोयत्याने हल्ला केला. ही घटना सीसीटीव्हीत कैद झाली आहे.

हल्ल्याचे कारण काय?

होळी सणाच्या काही दिवस आधी अरविंद यादव आणि लालमणी यादव यांच्यात वाद झाला होता. त्या वादाचा राग डोक्यात ठेवून दीपक गिरी, गौतम गिरी आणि त्यांच्या दोन साथीदारांनी लालमणीवर हल्ला केल्याचा आरोप करण्यात आला आहे.

या हल्ल्यात लालमणी यादवला गंभीर दुखापत झली असून त्याच्या हाताला, तोंडाला, कानाला आणि दुखापत झाली आहे, त्याला तातडीने उपचारासाठी उल्हासनगरच्या मध्यवर्ती रुग्णालयात दाखल करण्यात आले आहे. सध्या त्याच्यावर उपचार सुरू आहेत.

या घटनेनंतर लालमनी यांच्या तक्रारीवरून हल्लेखोरांविरोधात अंबरनाथ पोलीस ठाण्यात गुन्हा दाखल करण्यात आला असून, हल्लेखोर फरार झाले आहेत. पोलिसांकडून त्यांचा शोध घेण्यासाठी विशेष पथके तैनात करण्यात आली आहेत. पोलिस फरार आरोपींचा शोध घेत आहेत.

या घटनेमुळे अंबरनाथ परिसरात भीतीचे वातावरण पसरले असून, पोलीस पुढील तपास करत आहेत.

Edited By - Purva Palande