रेशन दुकानावर धान्याच्या आढळलेल्या तफावती बाबत कारवाई न करण्यासाठी 20 हजार रुपयांची लाच घेणाऱ्या कोतवालासह तहसीलदारा विरोधात बीड येथील केज पोलिस ठाण्यात गुन्हा दाखल झाला आहे. अधिक तपास पोलिस करत आहेत.

धाराशिव येथील लाच लुचपत प्रतिबंधक विभागाने कोतवालास लाच घेताना रंगेहात पकडले. तर तहसीलदार फरार आहे. केज येथील तहसीलदार अभिजीत जगताप व कोतवाल मच्छिंद्र माने यांनी तक्रारदाराच्या रेशन दुकानात सरकारकडून मिळालेले धान्य व ग्राहकांना वाटप केलेले धान्य यामध्ये तफावत आढळल्यानंतर कारवाई न करण्याकरिता 40 हजार रुपये लाचेची मागणी केली होती.

यानंतर तडजोडीअंती 20 हजार रुपये स्वीकारताना माने याला पकडण्यात आले. ही कारवाई धाराशिव येथील लाचलुचपत प्रतिबंधक विभागाच्या पथकाने केली. दरम्यान या प्रकरणी बीडच्या केज पोलिस ठाण्यात गुन्हा दाखल करण्यात आला आहे. अधिक तपास पोलिस करत आहेत.

Edited By : Siddharth Latkar