काल देशातील सर्वात अवघड परीक्षा म्हणजेच केंद्रीय लोकसेवा आयोगाचा निकाल जाहीर झाला. यामध्ये तब्बल ९५८ उमेदवार आयएएस, आयपीएस आणि आयएफएस अधिकार झाले आहे. यूपीएससी परीक्षेत अनुज अग्निहोत्री यांनी पहिली रँक मिळवली आहे. २६ व्या वर्षी त्याने यूपीएससी परीक्षेत पहिली रँक मिळवून कुटुंबाचे नाव मोठे केले आहे.

अनुज मूळचs राजस्थानच्या रावतभाटा येथील रहिवासी आहे. चंबल नदीच्या किनाऱ्यावर बसलेल्या या गावचे ते रहिवासी आहे. अत्यंत सर्वसामान्य कुटुंबात जन्म घेतलेल्या या मुलाने आज यशाचे शिखर गाठले आहे. त्याचे वडील टेक्निशियन म्हणून कार्यरत आहेत तर आई गृहिणी आहे.

अनुजने खूप वर्ष मेहनत केली. यावेळी तिसऱ्या प्रयत्नात त्याने पहिली रँक प्राप्त केली. पहिल्या प्रयत्नात त्यांची निवड DANICS (दिल्ली, अंडमान आणि निकोबार द्वीप समूह सिविल सेवा)साठी झाली होती. यासाठी ते दिल्लीमध्ये ट्रेनिंगदेखील करत होते. परंतु त्यांनी या यशाला मागे टाकत पुन्हा एकदा प्रयत्न केले.

अनुजने सुरुवातीचे शिक्षण रावतभाटा येथून केले. १०वीनंतर ते कोटा येथे गेले. २०१५ ते २०१७ हा कालावधी त्याच्यासाठी टर्निंग पॉइंट ठरला. २०१७ मध्ये त्याने एम्स आणि नीट यूजीमध्ये चांगली रँक मिळवली. एम्स जोधपूरमधून एमबीबीएस डिग्री प्राप्त केली. २०२३ मध्ये इंटर्नशिप संपल्यानंतर यांनी यूपीएससी परीक्षा दिली.

अनुज अग्निहोत्री यांनी कोणत्याही कोचिंगशिवाय यूपीएससी परीक्षा पास केली. ऑनलाणइन अभ्यास करुन यूपीएससी परीक्षा पास केली. एमबीबीएस करुन त्यांनी यूपीएससी परीक्षेचा निर्णय घेतला. त्यांच्या या निर्णयाचे सर्वत्र कौतुक होत आहे.