PM Kisan Yojna : पीएम किसान योजनेद्वारे शेतकऱ्यांना तीन टप्प्यात दरवर्षी 6 हजारांची मदत केली जाते. या योजनेद्वारे शेतकऱ्यांना आतापर्यंत 13 हप्ते मिळाले आहे. आता शेतकरी 14 व्या हप्त्याच्या प्रतीक्षेत आहेत.

ताज्या अपडेटनुसार, जुलै महिन्यात शेतकऱ्यांच्या खात्यावर पीएम किसान योजनेचा हप्ता पाठवला जाऊ शकतो. सरकारकडून याबाबत कोणतीही अधिकृत घोषणा करण्यात आलेली नाही. (Finance News)

लाभार्थी शेतकऱ्यांची संख्या कमी होणार

14 व्या हप्त्यासाठी लाभार्थ्यांची संख्या कमी होऊ शकते. अनेक राज्यांत जमिनीच्या नोंदी पडताळणीचे काम सुरू आहे. अशा परिस्थितीत या यादीतूनही मोठ्या संख्येने लाभार्थ्यांना कमी केले जाऊ शकते. अशा लोकांना सरकारकडून पैसे परत करण्यासाठी सातत्याने नोटिसा पाठवल्या जात आहेत. (Latest Marathi News)

पैसे परत न करणाऱ्या शेतकऱ्यांवर कारवाई केली जाणार आहे. तसेत लाभार्थी शेतकऱ्यांना ई-केवायसी करून घेण्याचे आवाहन करण्यात येत आहे. ई-केवायसी न केल्यास शेतकऱ्यांना पुढील हप्त्या मिळणार नाही. (Breaking News)

ई-केवायसी कसं कराल?

• www.pmkisan.gov.in वर जा, होम पेज ओपन होईल.

• त्यानंतर E-KYC च्या पर्याय निवडा.

• यानंतर आधार क्रमांक आणि कॅप्चा भरा.

• आधार क्रमांक आणि मोबाईल क्रमांक टाका.

• यानंतर तुमच्या मोबाईलवर OTP येईल.

• ओटीपी टाकल्यानंतर तुमचे ई-केवायसी पूर्ण होईल.