भारतीय मोबाईल बाजारपेठेतील आपला जलवा दाखवण्यासाठी विवो कंपनी वा फोन लॉन्च करत आहे. कंपनीने या तीन दिवसात म्हणजेच २६ ऑगस्ट रोजी Vivo T4 Pro 5G फोन लॉन्च करणार आहे. Vivo T4 Pro 5Gलॉन्च होताच ग्राहकांच्या दुकानाबाहेर रांगा लागतील. त्यामागे एक कारण आहे, ते म्हणजे या फोनची किंमत. कंपनी तुमच्या बजेटमधील तुम्हाला परवडेल अशा किंमतीत फोन लॉन्च करणार आहे. त्यासह या मोबाईलचे फीचर्स देखील शानदार आहेत.

हा फोन फ्लिपकार्टवर आधीच लिस्ट करण्यात आला आहे. हा फोन निळ्या आणि सोनेरी रंगात उपलब्ध असेल असं सांगण्यात आलंय. यात क्वाड-कर्व्हड AMOLED डिस्प्ले असेल, ज्याची जाडी फक्त ७.५३ मिमी असेल. डिझाइनबद्दल म्हणाल तर मग तुम्ही मोबाईलकडे एक टक बघतच राहल. मागील बाजूस एक गोळीच्या आकाराचा कॅमेरा मॉड्यूल असेल, ज्यामध्ये दोन कॅमेरे, तिसरा सेन्सर आणि ऑरा लाईट रिंग असेल.

फोटोग्राफी प्रेमींसाठी हा फोन उत्कृष्ट असणार आहे. या फोनमध्ये ५०-मेगापिक्सेलचा सोनी IMX882 टेलिफोटो लेन्स असेल, जो ३X ऑप्टिकल झूमला सपोर्ट करेल. याशिवाय यात एआयचे फीचर्स असतील, ज्यामुळे फोटो आणि व्हिडिओ शानदार येतील. हे फीचर मागील मॉडेल Vivo T3 Pro 5G पेक्षा अधिक शक्तिशाली आहे. मागील मॉडेलमध्ये 5,500mAh बॅटरी आणि स्नॅपड्रॅगन 7 Gen 3 प्रोसेसर होता. Vivo T3 Pro 50MP Sony IMX882 प्रायमरी कॅमेरा, 16MP सेल्फी कॅमेरा आणि 6.77 इंचाचा फुल HD + AMOLED डिस्प्लेसह लाँच करण्यात आला होता. त्याची बॅटरी 5,500mAh होती