रेल्वे, माहिती आणि प्रसारण आणि इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी आज बेंगळुरू येथे सेमीकंडक्टर डिझाइन कंपनी एआरएमच्या नवीन कार्यालयाचे उद्घाटन केले. यावेळेस ते म्हणाले , "एआय सर्व्हर, ड्रोन आणि मोबाईल फोनमध्ये वापरल्या जाणाऱ्या सर्वात प्रगत २-नॅनोमीटर चिप्स येथे डिझाइन केल्या जातील."

कार्यालयाच्या उद्घाटनानंतर बोलताना अश्विनी वैष्णव म्हणाले , एआरएमची नवीन बेंगळुरू सुविधा मोबाईल फोनसह विविध इलेक्ट्रॉनिक उत्पादनांसाठी 2nm चिप्ससह चिप्स डिझाइन करेल. त्यांनी भारताच्या सेमीकंडक्टर प्रवासातील हा एक महत्त्वाचा आहे. आमचे ध्येय सेमीकंडक्टरची रचना आणि निर्मिती करणे, तसेच त्यांच्यासाठी आवश्यक असलेली उपकरणे आणि साहित्य तयार करणे आहे. ही एक दीर्घकालीन आणि दूरदर्शी प्रक्रिया आहे आणि पंतप्रधान मोदी यांनी यावर स्पष्ट मार्गदर्शन केले" असल्याचं त्यांनी म्हटलं आहे.

पुढे ते म्हणाले "सेमीकंडक्टर क्षेत्रातील पुढील २० वर्षांच्या दृष्टिकोनासह, आपल्या तरुणांना आणि प्रतिभावान अभियंत्यांना जगातील सर्वोत्तम संधी उपलब्ध होतील. इलेक्ट्रॉनिक्स उत्पादनातील प्रगतीमुळे सेमीकंडक्टर चिप्सची मागणी दुप्पट होत आहे.गेल्या ११ वर्षांत इलेक्ट्रॉनिक्स उत्पादन सहा पटीने वाढले आहे. सध्या हा उद्योग ११.५ लाख कोटी रुपयांचा आहे. निर्यात आठ पटीने वाढली आहे. इलेक्ट्रॉनिक्स हे भारतासाठी एक प्रमुख निर्यात उत्पादन बनत आहे."

मोबाईल फोन आणि लॅपटॉपच्या असेंब्लीपासून सुरू झालेला हा प्रवास आता त्यांच्या मॉडेल्स, घटक आणि तयार साहित्याच्या निर्मितीकडे वाटचाल करत आहे. यावर अश्विनी वैष्णव म्हणाले "आम्ही या प्रवासात अतिशय पद्धतशीर पद्धतीने पुढे जात आहोत. सेमीकंडक्टर क्षेत्र ट्रिलियन-डॉलर उद्योगात वाढत आहे आणि प्रतिभेची गरजही तितकीच महत्त्वाची आहे. आणि ही एक उत्तम संधी आहे. २७८ संस्था आणि विद्यापीठे यासाठी काम करत आहेत आणि त्यांचे विद्यार्थी सेमीकंडक्टर चिप्सच्या डिझाइन आणि नवोपक्रमात गुंतलेले आहेत. सध्या, २५ संस्थांमधील विद्यार्थ्यांनी डिझाइन केलेल्या २८ चिप्स तयार केल्या गेल्या आहेत. आम्ही भारताच्या सेमीकंडक्टर मिशनची पहिली आवृत्ती व्यावहारिकरित्या पूर्ण केली आहे आणि आता दुसऱ्या आवृत्तीकडे वाटचाल करत आहोत."