रिलायन्स इंडस्ट्रीजचे चेअरमन मुकेश अंबानी यांचे जवळचे सहकारी आणि वरिष्ठ अधिकारी प्रकाश शाह यांनी गृहस्थ जीवन सोडून संन्यासी जीवन जगण्याचा निर्णय घेतला. प्रकाश शाह यांना वर्षाला जवळपास ७५ कोटी रुपयांचं पॅकेज मिळायचं. ते रिलायन्सच्या उपाध्यक्ष पदावर कार्यरत होते. त्यांना अंबानी यांचा उजवा हात म्हणून ओळखलं जायचं.

प्रकाश शाह यांनी वयाच्या ६३ व्या वर्षी निवृत्ती घेतल्यानंतर प्रकाश शाह आणि त्यांची पत्नी नैना शाह यांनी महावीर जयंतीच्या दिवशी दीक्षा घेतली. शाह यांची संन्यास घ्यायची इच्छा होती. कोरोना काळात त्यांना संन्यास घ्यायचा विचार पुढे ढकलला. संन्यास घेतल्यानंतर जैन साधूला भौतिक सुखसोयींचा त्याग करावा लागतो.

प्रकाश शाह यांनी केमिकल इंजिनीअरिंगमध्ये पदवी मिळवली. त्यांनी आयआयटी बॉम्बेमधून पोस्ट ग्रॅज्युएशन पूर्ण केलं. त्यांची पत्नी नैना या कॉमर्समधून ग्रॅज्युएशन केलं आहे. दोघांना दोन मुले आहेत. त्यातील एका मुलाने आधीच दीक्षा घेतली आहे. तर दुसऱ्या मुलाचं लग्न झालं आहे. त्याला एक अपत्य आहे.

शाह यांनी रिलायन्समध्ये काम करताना अनेक प्रकल्पांचं नेतृत्व केलं. जामनगर पेटकोक गॅसीफिकेशन प्रकल्प आणि पेटकोक मार्केटिंग या प्रकल्पांचं त्यांनी नेतृत्व केलं आहे. त्यांना कामाची कार्यशैली आणि नेतृत्वगुणासाठी अंबानी कुटुंबाकडून विशेष मान मिळत असे.

प्रकाश शाह आता जैन साधू म्हणून पुढील आयुष्य व्यथित करणार आहेत. ते सर्वत्र अनवाणी फिरतात. ते पांढऱ्या रंगाचं वस्त्र परिधान करतात. त्याचबरोबर ते भिक्षा मागून जीवन जगतात. प्रकाश शाह आणि त्यांचा पत्नीचा दीक्षा विधी मुंबईतील बोरीवलीत आयोजन करण्यात आलं होतं. त्यांचा दीक्षा विधी धार्मिक पंरपरानुसार झाला. भौतिक सुखसोयी त्यागून संन्यास स्वीकारण्याला जैन धर्मात फार महत्व आहे.