मेहनत आणि इच्छाशक्तीच्या जोरावर तुम्ही आयुष्यात खूप यशस्वी होऊ शकतात. परंतु अनेकदा माणसाला मेहनत करण्यासाठी काहीतरी प्रेरणा लागते. काहींना इतरांकडे बघून प्रेरणा मिळते. तर काहीजणांना स्वतः मध्ये बदल करण्याची गरज वाटते. त्यासाठी ते प्रेरित होतात. असंच काहीसं उदय कृष्ण रेड्डी यांनी केलं. त्यांचा कॉन्स्टेबल ते पोलिस ऑफिस होण्याचा प्रवास खूपच प्रेरणादायी आहे.

अपमान झाला, स्वाभिमानासाठी थेट UPSC क्रॅक

उदय कृष्ण रेड्डी हे कॉन्स्टेबल पदावर कार्यरत होते. तेव्हा एका वरिष्ठ अधिकाऱ्यांकडून त्यांचा अपमान झाला. त्यांचा अपमान झाल्याचे त्यांना सहन झाले नाही. त्याच दिवशी त्यांनी निश्चय केला की मीदेखील पोलिस अधिकारी होणार. यानंतर त्यांनी यूपीएससी परीक्षेची तयारी केली. त्यांनी यूपीएससी (UPSC) परीक्षा पासदेखील केली.

स्पर्धा परीक्षेसाठी समर्पण

उदय कृष्णा रेड्डी हे आंध्र प्रदेश पोलिसात कॉन्स्टेबल पदावर कार्यरत होते. तेव्हा त्यांच्या एका सिनियरने त्यांचा अपमान केला होता. तेच लक्षात ठेवून त्यांनी चांगली सरकारी नोकरी सोडली आणि यूपीएससी परीक्षेची तयारी केली.

उदय कृष्ण रेड्डी यांनी खूप मेहनतीने यूपीएससी परीक्षा पास केली. यासाठी दिवसरात्र मेहनत केली. त्यांनी २०२३ मध्ये ऑल इंडिया रँक ७८० प्राप्त केली.उदय कृष्ण रेड्डी हे रोज ८-१० तास अभ्यास करायचे. त्यांनी खूप मेहनत घेतली आणि त्याचे फळ त्यांना मिळाले. ते चांगल्या पदावर कार्यरत आहेत.