यूपीएससी ही देशातील सर्वात अवघड परीक्षा आहे. यूपीएससी परीक्षेत यश मिळवण्यासाठी दिवसरात्र मेहनत करावी लागते. परंतु एक ना एक दिवस तुम्हाला तुमच्या मेहनतीचे यश मिळते. या प्रवासात अनेक अडचणी येतात. परंतु कितीही अडचणी आल्या तरीही तुम्ही त्यावर मात करा. असंच काहीसं आयएएस बी चंद्रकला यांनी केलं. आयएएस बी चंद्रकला या नेहमी चर्चेत असतात. त्यांना लेडी सिंघम या नावानेदेखील ओळखले जाते.

आयएएस बी चंद्रकला या मूळच्या तेलंगणाच्या करीमनगरच्या रहिवासी. त्यांनी २००७ मध्ये यूपीएससी परीक्षा पास केली. त्यांना ४०९ रँक मिळाली होती. त्यांनी खूप मेहनतीने हे यश मिळवलं होतं.

शिक्षण

आयएएस बी चंद्रकला यांचे पूर्ण नाव भूख्या चंद्रकला नीरू असे आहे. त्यांनी सुरुवातीचे शिक्षण करीमनगर येथून केंद्रीय विद्यालयातून केले. त्यानंतर त्यांनी हैदराबादमधून ग्रॅज्युएशन पूर्ण केले. यानंतर त्यांनी इकोनॉमिक्समध्ये एम ए केले.

लग्नानंतर दिली यूपीएससी परीक्षा

यूपीएससीची तयारी करताना त्यांना त्यांच्या कुटुंबाची खूप साथ मिळाली. त्यांनी लग्नानंतर यूपीएससी परीक्षा दिली. त्यांच्या पतीने नेहमी त्यांची साथ दिली. ग्रॅज्युएशन करत असतानाच त्यांचे लग्न झाले होते. त्यानंतर त्यांनी यूपीएससी परीक्षेची तयारी सुरु केली. घर, कुटुंब, मुलांना सांभाळत त्यांनी परीक्षा दिली आणि त्यात यशदेखील मिळवले.

आयएएस चंद्रकला या त्यांच्या कामामुळे अनेकदा चर्चेत असतात.त्यांचा निर्भीड स्वभाव हा त्यांना इतरांपासून वेगळे ठरवतो. त्यांच्या यशामुळे त्यांच्या कुटुंबियांना खूप आनंद झाला. त्यांच्या कुटुंबाच्या साथीमुळे त्यांनी हे यश मिळवलं.