केंद्र सरकारने नागरिकांसाठी अनेक योजना राबवल्या आहेत. यात महिला आणि लहान मुलांसाठी खास योजना आहे. महिलांना आर्थिकदृष्ट्या सक्षम करण्यासाठी वेगवेगळ्या राज्यात विविध योजना राबवल्या आहेत. प्रत्येक राज्याच्या महिलांसाठी वेगवेगळ्या योजना आहेत. यातीलच एक योजना म्हणजे सुभद्रा योजना.

सुभद्रा योजना ही ओडिशा राज्य सरकारने राबवली आहे. या योजनेअंतर्गत महिलांना ५०,००० रुपये देण्यात येणार आहे.महिलांना आर्थिकदृष्ट्या सक्षम करण्याच्या उद्देशाने ही योजना राबवण्यात आली आहे. (Subhadra Yojana)

काय आहे योजना? (Subhadra Yojana)

ओडिशा सरकारची सुभद्रा योजना ही ५ वर्षांसाठी राबवण्यात येणार आहे. महिलांना दरवर्षी या योजनेअंतर्गत १०,००० रुपये मिळणार आहे. त्यामुळेच ५ वर्षांसाठी ५०,००० रुपये महिलांना देण्यात येणार आहे. दरवर्षी दोन टप्प्यांमध्ये हे पैसे देण्यात येणार आहे. ५००० रुपये प्रत्येक हप्त्यांमध्ये जमा करण्यात येणार आहे. एक कोटी महिलांना या योजनेचा लाभ मिळावा, या उद्देशातून योजना सुरु करण्यात आली आहे. (Scheme For Womens)

पात्रता

सुभद्रा योजनेअंतर्गत २१ ते ६० वयोगटातील महिलांना लाभ मिळणार आहे. अर्ज करणारी महिला मूळची ओडिशा राज्याची रहिवासी असावी. या योजनेसाठी अर्ज करणाऱ्या महिलेच्या कुटुंबातील कोणीही सरकारी नोकरी करत नसावे. ज्या महिलांच्या कुटुंबातील सदस्य इन्कम टॅक्स भरतात. त्यांनाही या योजनेचा लाभ मिळणार नाही.

ओडिशा सरकारने १७ सप्टेंबर पासून ही योजना सुरु केली आहे. या योजनेअंतर्गत दोन हप्त्यांमध्ये पैसे दिले जाणार आहे. या योजनेचा पहिला हप्ता लवकरच महिलांना दिला जाणार आहे.