मुंबई : शेअर बाजारात बुधवारी पुन्हा एकदा घसरण पाहायला मिळाली. बाजार सुरु होताच बॉम्बे स्टॉक एक्सचेंजच्या ३० शेअरच्या सेन्सेक्समध्ये ५५० अंकांनी घसरण झाली. तर निफ्टीमध्ये १५० अंकांनी घसरण झाली. शेअर बाजार सुरु झाल्यानंतर सेन्सेक्स आणि निफ्टीच्या अंकात घसरण झाल्याने गुंतवणूकदारांचे १.३ लाख कोटींचं नुकसान झालं. यावेळी पीएनबी हाऊसिंगच्या शेअरमध्ये मोठी घसरण पाहायला मिळाली.

शेअर बाजारात गुरुवारी व्यवहाराची सुरुवात पडझडीने झाली. बीएसई सेन्सेक्सने ३२३.९८ म्हणजे ०.४३ टक्क्यांनी घसरण झाली. त्यामुळे बीएसई सेन्सेक्स ७४.८४६.४७ पातळीवर सुरु झाला. काही मिनिटानंतर ७४,५२९.५६ अंकापर्यंत घसरला. त्यानंतर सकाळी ११.३५ वाजता सेन्सेक्स ५९०.६३ अंकानी घसरला.

निफ्टीमध्येही घसरण

नॅशनल स्टॉक एक्सचेंजच्या निफ्टी इंडेक्समध्येही बाजार सुरु होताच घसरण पाहायला मिळाली. बाजार सुरु झाल्यानतंर निफ्टी १०९.१० अंकांनी घसरला.

पीएनबी हाऊसिंगच्या शेअरमध्ये घसरण

शेअर बाजारात व्यवहार सुरु झाल्यानंतर ९७४ शेअरमध्ये तेजी पाहायला मिळाली. तर १३७८ शेअरमध्ये घसरण पाहायला मिळाली. तसेच ९७ शेअरमध्ये कोणतेही बदल झाल्याचे दिसून आलं नाही. पीएनबी हाऊसिंगच्या शेअरमध्ये ७ टक्क्यांनी घसरण पाहायला मिळाली.

Hindware, Ujjivan स्मॉल फायनान्स, आयआरसीटीसी शेअर, आयसीआयसीआय बँक शेअरमध्ये घसरण पाहायला मिळाली. या व्यतिरिक्त बीपीसीएल, एम अँड एम, एसबीआय लाईफ इन्शुरन्स, एनटीपीसी आणि Tata Consumer या शेअरमध्येही घसरण पाहायला मिळाली.

गुंतवणूकदारांनी १.३ लाख कोटी बुडाले

शेअर बाजारात घसरणीनंतर बीएसई मार्केट कॅप 416.92 लाख कोटींनी घसरून 415.58 लाख कोटी रुपयांवर आला. यामुळे काही मिनिटात गुंतवणूकदारांचे १.३ लाख कोटी बुडाले.