शेअर बाजारातील गुंतवणूकदारांसाठी मागील आठवडा गेम चेंजर ठरला. बॉम्बे स्टॉक एक्सचेंजच्या ३० शेअर्स असलेल्या सेन्सेक्सच्या टॉप १० कंपन्यांपैकी ९ कंपन्यांच्या ९ बाजारमुल्यात मोठी वाढ झाली आहे. रिलायन्सच्या गुंतवणूदारांनाही मागील पाच दिवसांत मोठा फायदा झाला आहे. त्यांनी मागील ५ दिवसांत ७०००० कोटी रुपयांची कमाई केली आहे. मुकेश अंबानी यांच्या कंपनीशिवाय भारती एयरटेल आणि एचडीएफसी बँकेत गुंतवणूक करणाऱ्यांनाही मोठा फायदा झाला आहे.

मागील आठवड्यात शेअर बाजारात उसळी पाहायला मिळाली. टॉप १० कंपन्यांपैकी ९ कंपन्यांचं मार्केट कॅप एकूण २.३४ लाख कोटी रुपयांनी वाढलं. यादरम्यान बीएसई सेन्सेक्स आठवडाभरात १,६५०.७३ अंकांनी म्हणजे २ टक्क्यांनी वाढला. कमाई करणाऱ्या टॉप ३ कंपन्यांमध्ये रिलायन्स, भारती एयरटेल आणि एचडीएफसी बँकेचा समावेश आहे. या व्यतिरिक्त बजाज फायनान्स, आयसीआयसीआय बँक, एसबीआय, टीसीएस, एलआयसी आणि एचयूएल या कंपन्यांनाही फायदा झाला आहे. तर इन्फोसिसच्या गुंतवणूकदारांचं नुकसान झालं आहे.

रिलायन्स इंड्रस्टीचं मार्केट कॅपिटलयाजेशन मागील आठवड्यातील ५ दिवसांत 20,51,590.51 कोटी रुपयांवर पोहोचलं आहे. मागील ५ दिवसांत कंपनीच्या गुंतवणूकदारांनी 69,556.91 रुपयांची कमाई केली. कमाईच्या बाबतीत भारती एअरटेल दुसऱ्या क्रमांकावर पोहोचली.

भारती एअरटेलचं मार्केट कॅप 51,860.65 कोटी रुपयांहून 11,56,329.94 कोटी रुपयांवर पोहोचलं. एचडीएफसी बँकेचं मार्केट कॅप 37,342.73 कोटी रुपयांहून 15,44,624.52 कोटी रुपयांवर पोहोचलं. रिलायन्स, भारती एअरटेल आणि एचडीएफसी बँकेच्या मार्केट कॅपमध्येही उसळी पाहायला मिळाली.

इन्फोन्सिसच्या गुंतवणूदारांना फटका

टॉप-१० कंपन्यांपैकी ९ कंपन्यांना जोरदार फायदा झाला. आयटी कंपनी इन्फोन्सिसच्या मार्केट कॅपिटलायजेशनमध्ये घट पाहायला मिळाली. मागील ५ व्यवहाराच्या दिवसांत बाजारमूल्यांमध्ये 5,494.8 कोटी रुपयांनी घट झाली. त्यामुळे कंपनीचं मार्केट कॅप 6,68,256.29 कोटी रुपयांवर पोहोचलं.