रिझर्व्ह बँक ऑफ इंडियाने पुन्हा एका सर्वसामान्यांना दिलासा दिला आहे. रिझर्व्ह बँकेने रेपो रेटमध्ये कोणताही बदल केला नाही. रेपो रेट हा ५.५ टक्के कायम ठेवला आहे. यामुळे होम लोन, वैयक्तिक लोन, कार लोनवरील व्याजदरात कोणताही बदल होणार नाहीये. गेल्या तीन दिवसांपासून रिझर्व्ह बँक ऑफ इंडियाची पतधोरण बैठक सुरु होती. आज या बैठकीचा शेवटचा दिवस होता. या दिवशी आरबीआयचे गव्हर्नर संजय मल्होत्रा यांनी याबाबत घोषणा केली आहे.

होम लोन, कार लोनवर काय परिणाम होणार?

आता सध्या रेपो रेट ५.५ टक्के होता. त्यामध्ये कोणताही बदल केलेला नाही. त्यामुळे होम लोन, कार लोन किंवा वैयक्तिक लोनवर कोणताही परिणाम होणार नाही. तुमचा कर्जाचा ईएमआय वाढणार नाहीये. दरम्यान, जर तुमच्यावर ६० लाखांचे लोन असेल आणि त्यावर ८.५ टक्के व्याजदर असेल तर तुम्हाला ५२,०२६ रुपये ईएमआय भरावा लागतो.दरम्यान, रेपो रेटमध्ये कोणताही बदल न झाल्याने आता ईएमआय ना वाढणार किंवा कमी होणार आहे. त्यामुळे सर्वसामान्यांना काही प्रमाणात दिलासा मिळाला आहे.

रेपो रेटवर ठरवला जातो कर्जाचा हप्ता

रिझर्व्ह बँक ऑफ इंडिया दर तीन महिन्यांनी नवीन रेपो रेट जारी करते. रेपो रेटवर कर्जाचे व्याजदर ठरवले जाते. हा रेपो रेट सर्व बँकांना फॉलो करावा लागतो. त्यावर आधारित कर्जावरील व्याजदर ठरवले जाते. त्यामुळे जर रेपो रेट बदलला नाही तर कर्जावर काहीच परिणाम होणार नाहीये.

वर्षभरात तीन वेळा रेपो रेटमध्ये कपात

मागील वर्षभरात रेपो रेटमध्ये तीन वेळा कपात करण्यात आली होती. यामुळे रेपो रेट जवळपास १०० बेसिस पॉइंट्स म्हणजे १ टक्क्यांनी कमी झाला होता. वर्षाच्या सुरुवातीला रेपो रेट ६.५ टक्के होता. हा रेपो रेट आज ५.५ टक्के निश्चित करण्यात आला आहे.