यूपीएससी ही देशातील सर्वात अवघड परीक्षा आहे. यूपीएससी परीक्षा देऊन अनेकांचे आयएएस होण्याचे स्वप्न असते. अनेकजण नोकरी असतानाही स्पर्धा परीक्षेचा अभ्यास करतात. परंतु अनेकदा आपल्याला यश येत नाही. खूप कमी तरुणांना पहिल्या प्रयत्नात यश मिळते. असंच काहीच निधि सिवाच यांच्यासोबत झालं.

निधी सिवाच या गुरुग्रामच्या रहिवासी आहेत. त्यांनी २०१५ मध्ये मेकॅनिकल इंजिनियरिंग केले. त्यानंतर त्यांनी टेक महिंद्रा कंपनीत डिझाइनर इंजिनियर म्हणून काम केले. परंतु त्यांना आयुष्यात खूप मोठं व्हायचं होतं. त्यामुळे त्यांनी यूपीएससी परीक्षा देण्याचा निर्णय घेतला. त्यांनी आपली नोकरी सोडली आणि पूर्णवेळ अभ्यास केला. त्यांना २०१६ आणि २०१७ मध्येही यूपीएससी परीक्षा दिली होती. परंतु त्यांना यश मिळालं नाही.

२०१८ मध्ये त्यांना यश मिळालं आणि त्या आयएएस अधिकारी झाल्या.२०१६ आणि २०१७ मध्ये त्यांनी नोकरी करत परीक्षेचा अभ्यास केला होता. परंतु त्यांनी २०१८ मघ्ये परीक्षा देण्यासाठी नोकरी सोडली. त्यांच्या वडिलांनी त्यांच्यासमोर एक अट ठेवली होती, जर तू अयशस्वी झाली तर तुझं लग्न केलं जाईल. त्यांनी याला एक संधी म्हणून स्विकारलं आणि अभ्यास सुरु केला.

आयएएस निधी सिवाच यांनी स्पर्धा परीक्षेची तयारी करण्यासाठी स्वतः ला ६ महिने एका खोलीत बंद केले होते. त्यांनी आपले लक्ष पूर्णपणे अभ्यासाकडे केंद्रित केली. त्यानंतर २०१८ मध्ये त्यांनी ८३ रँक मिळवली.

निधी सिवाच यांचे एअर फोर्समध्ये जाण्याचे स्वप्न होते. त्यासाठी त्यांनी एफकॅट परीक्षादेखील दिली होती. परंतु मुलाखतीत त्यांना एका बोर्ड मेंबरने सांगितले की, तु्म्ही डिफेंसमध्ये येण्याऐवजी सिविल सर्व्हिसेस जॉइन करा. यानंतर त्यांनी यूपीएससी परीक्षेची तयारी केली अन् घवघवीत यश मिळवले.