केंद्र सरकारने मुलींसाठी खास सुकन्या समृद्धी योजना राबवली आहे. सुकन्या समृद्धी योजनेअंतर्गत मुलींच्या भविष्यासाठी बचत केली जाते. सुकन्या समृद्धी योजना ही २०१५ मध्ये सुरु करण्यात आली होती. या योजनेअंतर्गत मुलींच्या शिक्षणासाठी, लग्नासाठी बचत करण्यास मदत केली जाते. मुलींच्या शिक्षणाचा आणि लग्नाचा आर्थिक भार कमी करणे हे योजनेचे उद्दिष्ट आहे.

सुकन्या समृद्धी योजनेत करात सूट आणि भरघोस परतावा दिला जातो. सुकन्या समृद्धी योजनेत १० वर्षांपर्यंतच्या मुलींच्या नावाने खाते उघडले जाते. या योजनेत मुलींसाठी किमान २५० रुपयांची गुंतवणूक करता येते. तर कमाल गुंतवणूक १.५ रुपयांची गुंतवणूक करता येते. सुकन्या समृद्धी योजना आयकर कायदा १९६१ च्या कलम 80c अंतर्गत सवलत दिली जाते. (Sukanya Samruddhi Yojana)

सुकन्या समृद्धी योजनेत सरकार तिमाही आधारवर व्याज निश्चित केले जाते. या तिमाहीत १ जुलै ते ३० सप्टेंबर २०२४ कालावधीत ८.२ टक्के व्याजदर निश्चित करण्यात आले आहे.

जर तुमची मुलगी ५ वर्षांची असेल तर तुम्ही वर्षाला १.२ लाख रुपये गुंतवणू शकतात. त्यामुळे तुम्हाला दर महिन्याला १०,००० रुपये गुंतवावे लागेल.या योजनेत तुम्हाला ८.२ टक्के व्याजदर दिले जाते. या योजनेत मुलगी २१ वर्षांची झाल्यानंतर मुलींना ५५.६१ लाख रुपये असेल. ज्यामध्ये १७.९३ लाख गुंतवणूक असेल आणि ३८.६८ लाख रुपये व्याजदर असेल. दरम्यान जर तुम्ही वर्षाला १,५०,००० रुपयांची गुंतवणूक करत असाल तर तुम्हाला २१ वर्षानंतर ६९.८ लाख रुपये मिळतील. (Sukanya Samrudhhi Yojana For Girls)

सुकन्या समृद्धी योजना ही मुलींसाठीची योजना आहे. या योजनेत जर मुलगी ५ वर्षांची असताना खाते उघडले तर तुमची मुलगी २६ वर्षांची झाल्यानंतर मॅच्युअर होते. त्यानंतर तुम्हाला पैसे मिळतात.