प्रत्येकजण आपले भविष्य आर्थिकदृष्ट्या सुरक्षित व्हावे, यासाठी वेगवेगळ्या योजनांमध्ये गुंतवणूक करतात. अनेकजण सरकारी योजना किंवा पोस्ट ऑफिसच्या योजनांमध्ये पैसे गुंतवतात. अशीच एक पोस्ट ऑफिसची योजना म्हणजे पोस्ट ऑफिस मंथली इन्कम स्कीम. या योजनेअंतर्गत तुम्हाला चांगले व्याज मिळते. (Post Office Monthly Scheme)

पोस्ट ऑफिस मंथली इन्कम योजनेत कमीत कमी १,००० रुपये गुंतवावे लागतात. या योजनेत तुम्ही जास्तीत जास्त ९ लाख रुपये गुंतवू शकतात.तसेच तुम्ही जॉइंट अकाउंटदेखील उघडू शकतात. जॉइंट अकाउंटमध्ये जास्तीत जास्त १५ लाख रुपये डिपॉझिट ककु शकतात. या योजनेचा कालावधी ५ वर्षांचा आहे.

सरकार या योजनेत अनेकदा व्याजदर बदलते. या योजनेत सध्या व्याजदर ७.४ टक्के आहे. या योजनेत अल्पवयीन वयोगटातील व्यक्तीदेखील अकाउंट उघडू शकतात. या योजनेत तीन लोक मिळून जॉइंट अकाउंट ओपन करु शकतात. (Post Office Monthly Scheme News)

या योजनेत सिंगल अकाउंटमध्ये जास्तीत जास्त ९ लाख रुपयांची गुंतवणूक करु शकतात.या योजनेत तुमची दर महिन्याला ५,५५० रुपयांची इन्म होईल. जॉइंट अकाउंटमध्ये जास्तीत जास्त १५ लाख रुपये डिपॉझिटची परवानगी आहे. या योजनेत दर महिन्याला तुम्हाला ९,२५० रुपये मिळू शकतात. या योजनेत ५ वर्षांसाठी मिळणारा परतावा फिक्स्ड असतो. या योजनेत जर एखाद्या व्यक्तीचे उत्पन्न हो मर्यादेपेक्षा जास्त आहे तर त्यांना योजनेतील व्याजावर कर भरावा लागतो. जर एखाद्या व्यक्तीचे उत्पन्न मर्यादेपेक्षा कमी असेल तर ते कर उत्पन्न कक्षेत येणार नाही.

पोस्ट ऑफिस मंथली इन्कम योजनेत तुम्हाला काही कारणास्तव पैसे काढायचे असतील तर एका वर्षानंतरच काढू शकतात. यासाठी तुम्हाला दंड भरावा लागेल. जर तुम्ही १ ते ३ वर्षात पैसे काढले तर तुमच्या गुंतवणूकीमधील २ टक्के रक्कम कापली जाईल. जर तुम्ही ३ वर्षांपेक्षा जास्त कालावधीनंतर पैसे काढले तर तुमची फक्त १ टक्के रक्कम कापली जाईल.