केंद्र सरकारने तरुणांसाठी अनेक योजना राबवल्या आहेत. तरुणांना स्वावलंबी करण्यासाठी, त्यांच्यासाठी रोजगाराची संधी निर्माण व्हावी, यासाठी योजना राबवली आहे. यातील एक योजना म्हणजे पीएम स्वनिधी योजना. तुम्हाला स्वतः चा व्यवसाय सुरु करण्यासाठी ही योजना राबवण्यात आली आहे. या योजनेत तुम्हाला कोणत्याही गॅरंटीशिवाय लोन दिले जाते.

पीएम किसान स्वनिधी योजनेत तरुणांना स्वतः चा व्यवसाय सुरु करण्यासाठी प्रोत्साहन दिले जाते. या योजनेचा लाभ घेणे खूप सोपे आहे. तुम्ही फक्त एका कागदपत्राच्या आधारे अकाउंट उघडू शकतात.

कोरोना काळात ही पीएम स्वनिधी योजना सुरु करण्यात आली होती. या काळात रस्त्यावरील विक्रेत्यांना खूप फटका बसला होता. याच व्यवसायिकांना प्रोत्साहन देण्यासाठी स्वनिधी योजना सुरु केली. या योजनेत सुरुवातीला ८०,००० रुपयांपर्यंतचे कर्ज दिले जात होते. २०२५ मध्ये ९०,००० रुपयांपर्यंतचे कर्ज दिले जाणार आहे.

पीएम स्वनिधी योजनेत सरकार कोणत्याही गॅरंटीशिवाय कर्ज देते. तुम्हाला तीन टप्प्यांमध्ये हे पैसे दिले जाते. या योजनेचा कालावधीदेखील सरकारने वाढवला आहे. आता ३१ मार्च २०३० पर्यंत ही योजना राबवण्यात येणार आहे.

पंतप्रधान स्वनिधी योजनेत तीन टप्प्यांमध्ये पैसे मिळतात. अर्जदारांना व्यवसाय सुरु करण्यासाठी पहिल्यांदा १५००० रुपये दिले जातात. यानंतर दुसरा हप्ता २५,००० रुपयांचा दिला जातो. तिसरा हप्ता ५०,००० रुपयांचा दिला जातो. हा हप्ता तुमच्या क्रेडिट पात्रतेनुसार दिला जातो.

अर्जासाठी फक्त १ कागदपत्र आवश्यक

या योजनेत कर्ज मिळवण्यासाठी तुम्हाला फक्त एका कागदपत्राची आवश्यकता आहे. तुम्हाला लाभ घेण्यासाठी फक्त आधार कार्ड आवश्यक आहे. याचसोबत तुम्हाला कोणतेही तारण ठेवण्याची गरज नाही. फक्त तुम्हाला घेतलेले कर्ज निर्धारित वेळे पूर्ण करायचे आहे. कर्जाची रक्कम तुम्ही ईएमआयद्वारे भरु शकतात.