केंद्र सरकारने महिलांसाठी अनेक योजना राबवल्या आहे. यामध्ये महिलांना आर्थिकदृष्ट्या सक्षम करण्यासाठी अनेक योजना आहेत. केंद्र सरकारने गर्भवती महिलांसाठी खास प्रधानमंत्री मातृ वंदना योजना राबवली आहे. या योजनेत गरोदर महिलांना पैसे दिले जातात.

प्रधानमंत्री मातृत्व वंदना योजनेअंतर्गत महिलांना स्वतः ची काळजी घेण्यासाठी आर्थिक मदत केली जाते. जेणेकरुन त्यांना गरोदरपणा कसली गरज भासू नये. या योजनेत गर्भवती महिलांना ६००० रुपये दिले जातात. गरीब कुटुंबातील महिलांना स्वतः ची आणि बाळाची काळजी घेण्यासाठी हे पैसे दिले जातात.

पीएम मातृत्व वंदना योजनेत गरीब कुटुंबातील महिलांना मदत केली जाते.या योजनेत १९ किंवा त्यापेक्षा जास्त वयोगटातील महिलांना लाभ मिळतो. या योजनेसाठी पात्र महिलांनी अंगणवाडी किंवा स्वास्थ केंद्रात जाऊन अर्ज भरायचा आहे. ही योजनेत महिला व बालविकास विभागाद्वारे चावली जाते. या योजनचा लाभ फक्त सरकारी रुग्णालयामध्ये मिळणार आहे.

प्रधानमंत्री मातृत्व वंदना योजनेत ६००० रुपये तीन हप्त्यांमध्ये दिले जातात. या योजनेच पहिला हप्ता १००० रुपये रजिस्ट्रेशन केल्यानंतर १५० दिवसांमध्ये मिळतो. यानंतर गर्भवती होण्याची टेस्ट झाल्यानंतर १८० दिवसांमध्ये २००० रुपये दिले जातात. यानंतर मुलाचा जन्म झाल्यानंतर रजिस्ट्रेशन करावे. यानंतर मुलाला सहा महिन्यांनी लस दिल्यानंतर पैसे दिले जातात.

ज्या महिला गरोदर आहेत त्यांना उपचारासाठी मदत मिळावी. आपल्या बाळासाठी आणि आईसाठी पोषण मिळावा, त्यासाठी ही आर्थिक मदत केली जाते. गरोदरपणात बाळ आणि आईचे संगोपन चांगले व्हावे, हा यामागचा उद्देश आहे. त्यामुळे गरीब कुटुंबातील महिलांसाठी योजना राबवण्यात आली आहे. आतापर्यंत अनेक महिलांनी या योजनेचा लाभ घेतला आहे.